May 19

திடீர் போருக்கு எப்படி போவது? ரஜினிக்கு தமிழிசை கேள்வி

'திடீரென போருக்கு சென்றால் எந்தளவிற்கு செயல்பட முடியும் என்று தெரியவில்லை'' என்று ரஜினிகாந்த் பேச்சுக்கு தமிழக பாஜக தலைவர் தமிழிசை ரஜினிகாந்த் கேள்வி எழுப்பியுள்ளார்.

நடிகர் ரஜினிகாந்த் தொடர்ந்து இன்று 5வது நாளாக சென்னையில் தனது ரசிகர்களை சந்தித்து வருகிறார். அப்போது பேசிய அவர், ''நான் பச்சை தமிழன். எனது 23 வயது வரைதான் கர்நாடகாவில் இருந்தேன்.

அதன் பின்னர் இதுவரை 43 ஆண்டுகளாக தமிழகத்தில்தான் உள்ளேன். என்னை நீங்கள் வேண்டாம் என்று தூக்கி எறிந்தால், இமயமலைக்குத்தான் செல்வேன். வேறு எந்த மாநிலத்திற்கும் செல்ல மாட்டேன்.

போர் வந்தால் அதை சந்திப்போம்'' என்று தெரிவித்தார்.இதையடுத்து தனியார் தொலைக்காட்சி ஒன்றுக்கு பதில் அளித்துள்ள தமிழக பாஜக தலைவர் தமிழிசை சவுந்திரராஜன், '' திடீரென போருக்கு சென்றால் எந்தளவிற்கு செயல்பட முடியும் என்று தெரியவில்லை. அவர் இன்று புகழ்ந்து பேசிய அரசியல் தலைவர்கள் மீது ஊழல் புகார் இல்லையா? என்று கேள்வி எழுப்பினார்.

நடிகர் ரஜினிகாந்த் தங்கள் பக்கம் வருவார் என்று பாஜக நினைத்துக் கொண்டு இருக்கையில் ரஜினிகாந்த் இன்று வேறுவிதமாக பேசி இருப்பது, அரசியல் வட்டாரத்தில் புகைச்சலை ஏற்படுத்தியுள்ளது.