May 19

தினேஷ் கார்த்திக்கிற்கு தீர்க்கதரிசியான ‘தல’ தோனி!

இந்திய கிரிக்கெட் வீரர் தினேஷ் கார்த்திக்கிற்கு, தல தோனி மிகப்பெரிய தீர்க்கதரிசியாக திகழ்ந்துள்ளார்.

இங்கிலாந்தில் வரும் ஜூன் மாதம் மினி உலகக்கோப்பை என கருதப்படும், சாம்பியன்ஸ் டிராபி கிரிக்கெட் தொடர் நடக்கவுள்ளது. இதில் இங்கிலாந்து, ஆஸ்திரேலியா, இந்தியா, தென் ஆப்ரிக்கா, நியூசிலாந்து, இலங்கை, பாகிஸ்தான், வங்கதேசம் உள்ளிட்ட 8 அணிகள் பங்கேற்கின்றன.

இதில் பல்வேறு சர்ச்சைகளுக்கு பின் இந்திய அணி பங்கேற்பது உறுதிசெய்யப்பட்டது. இத்தொடருக்கான 15 பேர் கொண்ட இந்திய அணியை பிசிசிஐ., சமீபத்தில் அறிவித்தது.இதில் இங்கிலாந்துக்கு எதிராக 2-1 என தொடரை வென்ற இந்திய அணியில் பெற்ற வீரர்களே இதிலும் இடம் பெற்றிருந்தனர்.

இந்த அணி தேர்வை பார்த்த தோனி, சமீபகாலமாக இந்திய அணி வீரர்கள் பெரிய அளவில் காயத்தால் அவதிப்பட்டனர். அதனால், அவர்களுக்கு பேக் அப் வீரர்களை தேர்வு செய்து வைத்துக்கொள்ளுங்கள் என பிசிசிஐ அதிகார்களுக்கு அட்வைஸ் வழங்கியுள்ளார். இதையடுத்து சுரேஷ் ரெய்னா, ரிஷப் பண்ட், குல்தீப் யாதவ், தினேஷ் கார்த்திக், ஷார்துல் தாகுர் ஆகியோரை தேர்வு செய்து வைத்திருந்தது.

இந்நிலையில் அணியில் இடம் பெற்றிருந்த மணீஷ் பாண்டே, காயம் காரணமாக சாம்பியன்ஸ் டிராபி அணியில் இருந்து விலகினார். இந்நிலையில், இவருக்கு மாற்று வீரராக, தினேஷ் கார்த்திக் தேர்வு செய்யப்பட்டுள்ளார்.