May 19

”விஜய் சேதுபதி போல நல்லவரை பார்த்ததில்லை”: புகழும் மாதவன்..!

’விஜய் சேதுபதி போன்ற நடிகரையும், நல்ல மனிதனையும் பார்த்ததில்லை’ என நடிகர் மாதவன் புகழ்ந்துள்ளார்.

முதன் முறையாக இருவரும் விக்ரம்-வேதா திரைப்படத்தில் இணைந்து நடித்து வருகின்றனர். தற்போது இந்த படத்திற்கு ரசிகர்களிடையே பெரும் எதிர்பார்ப்பு காணப்படுகிறது. இந்த படம் கண்டிப்பாக வெற்றி பெறும் என மாதவனும் நம்பிக்கை தெரிவித்துள்ளார்.

சமீபத்தில் ஆங்கில தினசரி ஒன்றுக்கு பேட்டியளித்த மாதவன், சக நடிகரான விஜய் சேதுபதியை புகழ்ந்து தள்ளியுள்ளார். “நான் எந்த படம் நடிக்க ஒப்புக் கொண்டாலும், அந்த படத்தில் சிறப்பாக நடிக்க வேண்டும் என்றுதான் நினைப்பேன்.

அதன்படி நான் நடித்த படங்களில் விக்ரம்-வேதா நல்ல கதையம்சம் உள்ள படம் என கருதுகிறேன். ஒரு கெட்டவனை எதிர்க்கும் சாதாரண போலிஸ் கதாபாத்திரம் இது கிடையாது. முன்னெப்போதும் இல்லாத அளவுக்கு வித்தியாசமாக இந்த போலிஸ் கதாபாத்திரம் இருக்கும்.

விஜய் சேதுபதி எனக்கு தம்பி. அவர் சிறந்த நடிகர் மட்டுமல்ல. சிறந்த மனிதரும் கூட. படத்தில் நாங்கள் எதிரெதிர் துருவங்கள் போல இருப்பதாக தெரியும். ஆனால் படப்பிடிப்புக்கு வெளியே எப்போதும் ஜோக்கடித்துக் கொண்டு, சிரித்துக் கொண்டுதான் இருப்போம்.” என நடிகர் மாதவன் தெரிவித்துள்ளார்.

விக்ரம்-வேதா படத்தை இயக்குநர் இணைகளான புஷ்கர்-காயத்ரி இயக்கியுள்ளனர். இந்த படத்தில் விஜய் சேதுபதி ரெளடியாக நடிக்கிறார்.