Mar 13

தனுஷிடம் இருந்து அதிக விலை கொடுத்து ‘காலா’வை கைப்பற்றிய லைகா நிறுவனம்!

தனுஷ் தயாரித்த ‘காலா’ படத்தை அதிக விலை கொடுத்து லைகா நிறுவனம் வாங்கியுள்ளது.

பா.ரஞ்சித் இயக்கத்தில் ரஜினி நடிப்பில் பிரம்மாண்டமாக உருவாகியுள்ள படம் ‘காலா’. இந்தப் படத்தை தனுஷ் தயாரித்துள்ளார். இந்தப் படம் அடுத்த மாதம் 27ம் தேதி வெளியாகவுள்ளது.

சமீபத்தில் வெளியான ‘காலா’ பட டீசருக்கு ரசிகர்கள் மத்தியில் அமோக வரவேற்பு கிடைத்தது. இந்நிலையில், தற்போது ‘காலா’ படத்தின் வெளியீட்டு உரிமையை லைகா நிறுவனம் கைப்பற்றியுள்ளது. ரூ. 75 கோடி பட்ஜெட்டில் உருவான இந்தப் படத்தை லைகா நிறுவனம் 125 கோடி ருபாய்க்கு வாங்கியுள்ளதாக தற்போது தகவல் வெளியாகியுள்ளது.

ரஜினி நடிப்பில் ஷங்கர் இயக்கத்தில் பிரம்மாண்டமாக உருவாகியுள்ள ‘2.0’ படத்தையும் லைகா நிறுவனம் தயாரித்துள்ளது குறிப்பிடத்தக்கது.