Mar 07

அசத்தல் அம்சங்களுடன் எல்ஜி X4 ஸ்மார்ட்போன் அறிமுகம்

எல்ஜி நிறுவனம் X4 பிளஸ் ஸ்மார்ட்போனினை தொடர்ந்து எல்ஜி X4 ஸ்மார்ட்போனினை கொரியாவில் அறிமுகம் செய்துள்ளது. முந்தைய ஸ்மார்ட்போன் போன்றே புதிய ஸ்மார்ட்போனிலும் 5.3 இன்ச் ஹெச்.டி. ஸ்கிரீன், ஸ்னாப்டிராகன் 425 சிப்செட், ஆண்ட்ராய்டு 7.1 நௌக்கட், 8 எம்பி பிரைமரி கேமரா, 5 எம்பி செல்ஃபி கேமரா உள்ளிட்டவை வழங்கப்பட்டுள்ளது.

எல்ஜி நிறுவனத்தின் பேமெண்ட் வசதியுடன் வெளியாகி இருக்கும் புதிய X4 ஸ்மார்ட்போனில் கைரேகை சென்சார் வழங்கப்பட்டுள்ளது. ஸ்மார்ட்போனினை அன்லாக் செய்வது மட்டுமின்றி கைரேகை சென்சார் கொண்டு செல்ஃபி கேமராவினை இயக்க முடியும். இத்துடன் ஹெச்.டி. டி.எம்.பி. (DMB) வசதி மற்றும் 3000 எம்.ஏ.ஹெச். பேட்டரி உள்ளிட்டவை வழங்கப்பட்டுள்ளது.

எல்ஜி X4 சிறப்பம்சங்கள்:

- 5.3 இன்ச் 1280x720 பிக்சல் ஹெச்.டி. IPS டிஸ்ப்ளே

- 1.4 ஜிகாஹெர்ட்ஸ் குவாட்கோர் ஸ்னாப்டிராகன் 425 சிப்செட்

- அட்ரினோ 308 GPU

- 2 ஜிபி ரேம்

- 16 ஜிபி இன்டெர்னல் மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 7.1.2 நௌக்கட்

- 8 எம்பி பிரைமரி கேமரா, எல்இடி ஃபிளாஷ்

- 5 எம்பி செல்ஃபி கேமரா

- கைரேகை சென்சார்

- எல்ஜி பே

- 4ஜி எல்டிஇ, வைபை, ப்ளூடூத்

- 3000 எம்.ஏ.ஹெச். பேட்டரி

எல்ஜி X4 ஸ்மார்ட்போன் கருப்பு மற்றும் தங்க நிறங்களில் கிடைக்கிறது. இதன் விலை 2,97,000 வொன் (இந்திய மதிப்பில் ரூ.17,780) என நிர்ணயம் செய்யப்பட்டுள்ளது. இதன் விற்பனை கொரியாவில் ஏற்கனவே துவங்கி, தற்சமயம் நடைபெற்று வருகிறது.