Feb 24

உலக சமாதானத்தை வலியுறுத்தி கனடாவில் தொடங்கிய மரதன் வவுனியாவைச் சென்றடைந்தது!

வவுனியா பிறப்பிடமாகவும் கனடாவில் வசித்து வரும் உலக சாதனை வீரன் சுரேஸ் ஜோஷிம் உலக சமாதானத்தினை வலியுறுத்தி ஆரம்பித்த மரதன் ஓடடம், இன்று வவுனியாவை வந்தடைந்தது.

கனடாவில் இருந்து ஆரம்பித்த மரதன் வவுனியா சூசைப்பிள்ளையார் கோவிலை வந்தடைந்துள்ளது. ஏழ்மையின் சின்னமாகிய பனையின் பாளையை ஏந்தியவாறாக, 72 நாட்டுக்கு 123 நாட்களில், சுமார் 4000 கிலோமீற்றர் ஓடிச்செல்லவுள்ள இப்பயணமானது, இன்று வவுனியாவில் இருந்து கிளிநொச்சி நோக்கி ஆரம்பித்திருந்தது. 

யுத்த பிரதேசமான பாலஸ்தீனத்தில் இருந்து ஆரம்பித்த மரதன் ஒட்டமானது, வவுனியா, மாங்குளம், கிளிநொச்சியூடாக யாழ்ப்பாணத்தை சென்று முடிவடையவுள்ளது. இன்றைய தினம் மாலை 03.00 மணிக்கு வந்தடைந்த இவ் உலக சாதனை வீரனுக்கு, தமிழ் விருட்சம் அமைப்பினால் பொன்னாடை போர்த்தி கௌரவிக்கபட்டதோடு, நினைவுச்சின்னமும் வழங்கி வைக்கப்பட்டதுடன், வவுனியா இளைஞர்கள் சிலரும் இப்பயணததில் இணைந்திருந்தனர்.