Feb 22

மண்புழு வடிவில் ரோபோ: ஹாவர்டு பல்கலை., புதுமை

ஹாவர்டு பல்கலைக்கழக ஆராய்ச்சியாளர்கள் மண்முழு வடிவில் தயாரித்துள்ளனர்.

அமெரிக்காவில் உள்ள ஹாவர்டு பல்கலைக்கழகம் உலக அளவில் முதன்மையாக மதிப்பிடப்படுகிறது. இந்த பல்கலை.,யைச் சேர்ந்த அகமது ரஃப்சஞ்சனி என்ற ஆராய்ச்சியாளர் தலைமையிலான குழு ஜப்பானிய காகிதக் கலையைப் பின்பற்றி ரோபோ ஒன்றை தயாரித்துள்ளனர்.

ஜப்பானில் காகிதங்களில் கலைப் பொருட்களைத் தயாரிக்கும் முறை கிரிகாமி என்று அழைக்கப்படுகிறது. இந்த முறையில் காகிதங்களை பல்வேறு வடிவங்களில் வெட்டி பாம்புத்தோல் போன்ற அமைப்பை உருவாக்கினர். பின், சிலிக்கான் ரப்பர் உறை மூலம் போர்த்தி அதில் காற்றழுத்த பம்ப், பேட்டரி மற்றும் சென்சார் ஆகியவற்றைப் பொருத்தியுள்ளனர்.

மண்புழுவைப் போல இருக்கும் இந்த ரோபோ பாம்பு நகர்வதைப் போல நகர்ந்து செல்லும். ரோபாக்கள் வடிவமைப்பில் இது புதிய அணுகுமுறையாக கருதப்படுகிறது.