May 16

காதல் சாபத்தால்…. 200 ஆண்டுகளாக வெறிச்சோடிக் கிடக்கும் வரலாற்று கிராமம்!

மக்களின் சாபத்தால் 200 ஆண்டுகளாக வெறிச்சோடி கிடக்கும் கிராமம் இன்று ராஜஸ்தானில் உள்ளது.

ராஜஸ்தான் மாநிலம் ஜெய்சால்மர் நகரில் இருந்து 18 கி.மீ தொலைவில் குல்தரா கிராமம் அமைந்துள்ளது.

தற்போது ஆள் நடமாட்டம் இன்றி, வெறிச்சோடி காணப்படும் கிராமம், ஒரு காலத்தில் ஏராளமான குடும்பங்கள் வசித்து ஊராகத் திகழ்ந்தது.

பாவத்தின் பிடியில் சிக்கி, இதுபோன்று பாலைவனம் போல் காட்சியளிப்பதாக அருகில் உள்ள ஊர்மக்கள் கூறுகின்றனர். 200 ஆண்டுகளுக்கு முன், அப்பகுதியில் பலிவால் பிராமணர்கள் வசித்து வந்தனர்.

அப்போது சலிம் சிங் என்ற நபர் வரி வசூலிப்பவராக பணியாற்றினார். அவர் குல்தரா கிராமத்தின் தலைவர் மகள் மீது காதல் கொண்டுள்ளார்.

அவளை அடைய பல்வேறு முயற்சிகள் மேற்கொண்டார். ஒருசமயம் அப்பெண்ணை தனக்கு திருமணம் செய்து வைக்கவில்லை என்றால், மோசமான விளைவுகளை சந்திக்க நேரிடும் என்று மிரட்டியுள்ளார்.

இதையடுத்து அன்று இரவே அப்பகுதியில் இருந்த கிராம மக்கள், தங்கள் ஊரை விட்டு கிளம்பியுள்ளனர். அவ்வாறு செல்லும்போது, அவ்வூரில் இனி யாரும் வசிக்கக் கூடாது என்று சாபம் விட்டு சென்றதாக கூறப்படுகிறது.

பின்னர் சில காலம் கழித்து, சிலர் அந்த ஊருக்கு திரும்பி வந்தனர். ஆனால் அவர்கள் அங்கு வெளிப்பட்ட அபாயகரமான ஒலிகளால் பயந்து, அங்கிருந்து வெளியேறினர்.

அதனால் மூத்தோர்களின் சாபம் இன்னும் தொடர்வதாக கருதி, யாரும் அந்த ஊருக்கு செல்வதில்லை.

ஏராளமான வரலாற்று சான்றுகள் நிறைந்த அந்த கிராமம், தற்போது தொல்லியல் துறை கட்டுப்பாட்டில் உள்ளது.