Mar 10

ஆண்களைவிட குறைவான ஊதியம் பெறும் கனேடியப் பெண்கள்

சர்வதேச பெண்கள் தினத்தை முன்னிட்டு கனேடிய புள்ளிவிபரவியல் திணைக்களத்தால் வெளியிடப்பட்ட அறிக்கை ஒன்றில், ஆண்கள் வருமானமாகப் பெறும் ஒவ்வொரு கனேடிய டொலருக்கும்,  பெண்கள் 87 சதங்களையே   வருமானமாகப் பெறுவதாகத் தெரிவிக்கப்பட்டுள்ளது.

25 வயதுக்கும் 54 வயதுக்கும் இடைப்பட்ட கனேடியர்களின்  ஒரு மணித்தியாலத்திற்கான சம்பளம் தொடர்பான தரவுகளில் இருந்து , ஆண்களுக்கும் பெண்களுக்கும் ஆன சம்பள இடைவெளி 1981 ஆம் ஆண்டிலிருந்து 10 சதங்களால் குறைவடைந்துள்ளதாகத் தெரியவந்துள்ளது. 1981 இல் ஆண்கள் வருமானமாகப் பெற்ற ஒவ்வொரு டொலருக்கும் பெண்கள் 77 சதங்களே வருமானமாகப் பெற்றனர்.