Feb 10

நண்பனுக்காக 3,300 மணி நேரம் கூடுதலாக வேலைப்பார்த்த சக தொழிலாளர்கள்

ஜெர்மனியில் பணிபுரியும் தொழிலாளி மகனின் புற்றுநோய் சிகிச்சைக்ககாக சக ஊழியர்கள் சுமார் 3,300 மணி நேரம் கூடுதலாக வேலை பார்த்த சம்பவம் நெகிழ்ச்சியை ஏற்படுத்தியுள்ளது.

ஜெர்மனி நாட்டின் ஹீஸ் நகரில் டிசைனர் கம்பெனி ஒன்று இயங்கி வருகிறது. இங்கு பணிபுரியும் கிரெஃப் என்பவரின் 4 வயது மகனுக்கு லுகேமியா என்ற புற்றுநோய் ஏற்பட்டது. சிறுவனை பரிசோதித்த மருத்துவர்கள், இதற்காக நீண்ட நாள்கள் சிகிச்சை எடுத்துக்கொள்ள வேண்டும் என்றும், சிறுவனுடன் ஒருவர் எப்போதும் துணையாக இருக்க வேண்டும் எனவும் வலியுறுத்தினர்.

இதனைத்தொடர்ந்து கிரெஃப் தான் பணிபுரியும் நிறுவனத்தில், தனது நிலையை எடுத்துரைத்து ஒரு ஆண்டுக்கு விடுமுறை கேட்டு தொழிலாளி விண்ணப்பித்தார். அவரது கோரிக்கையை பரிசீலித்த நிர்வாகம், அவருக்கு பதிலாக மற்ற தொழிலாளர்கள் கூடுதலாக வேலை செய்ய வேண்டும் என கேட்டுக்கொண்டனர்.