Feb 09

எம்ப்ளக்ஸ் ஒன்: இந்தியாவின் முதல் எலக்ட்ரிக் சூப்பர் பைக் அறிமுகம்!

இந்தியாவின் முதல் எலக்ட்ரிக் சூப்பர் பைக் அறிமுகம் செய்யப்பட்டுள்ளது.

நொய்டாவில் நடந்து வரும் சர்வதேச ஆட்டோமொபைல் கண்காட்சியில் எம்ஃப்ளக்ஸ் ஒன் எலக்ட்ரிக் சூப்பர் பைக் விற்பனைக்கு அறிமுகம் செய்யப்பட்டிருக்கிறது. இரு மாடல்களில் இந்த சூப்பர் பைக் விற்பனைக்கு வந்துள்ளது.

சுற்றுச்சூழலை மையமாக வைத்து உருவாக்கப்பட்ட இந்த சூப்பர் பைக் இந்தியாவில் 199 பைக்குகளும், வெளிநாடுகளில் 300 பைக்குகளும் விற்பனை செய்யயிருப்பதாக தெரிவிக்கப்பட்டுள்ளது. 60 கிலோ வாட் கொண்ட மின் மோட்டாருக்கு 9.7 கிலோவாட் திறன் வாய்ந்த சாம்சங் செல் கொண்ட பேட்டரி மூலம் மின்சாரம் வழங்கப்படுகிறது.

இந்த மின் மோட்டர் 80.4 பிஎச்பி பவரை அளிக்கும் திறன் வாய்ந்தது. ஆனால், 71 பிஎச்பி வரையில் கொடுக்கும் வகையில் கட்டுப்படுத்தப்பட்டுள்ளது. இந்த புதிய எலக்ட்ரிக் சூப்பர் பைக் மாடலானது 0 முதல் 100 கி.மீ வேகத்தை சர்வ சாதாரணமாக 3.0 வினாடிகளில் எட்டிவிடும். அதிகபட்சமாக 200 கிமீ வேகம் வரை செல்லும் திறன் கொண்டதாக உருவாக்கப்பட்டுள்ளது.

30 நிமிடத்தில் 85 சதவீதம் சார்ஜ் ஆகும் இந்த புதிய பைக், பேட்டரியை முழுமையாக சார்ஜ் செய்திருந்தால், நகர்ப்புறத்தில் 200 கி.மீ வேகத்திலும், நெடுஞ்சாலைகளில் 150 கிமீ வேகத்தில் செல்லும் வகையிலும் வடிவமைக்கப்பட்டுள்ளது.புதிய எம்ஃப்ளக்ஸ் ஒன் எலக்ட்ரிக் பைக்கின் சாதாரண விலை ரூ.6 லட்சம்.

இதன் விலையுயர்ந்த மாடல் ரூ.11 லட்சம் வரையில் கிடைக்கிறது என்பது குறிப்பிடத்தக்கது. தற்போது அறிமுகம் செய்யப்பட்டுள்ள இந்த சூப்பர் பைக் இன்னும் 6 மாத காலத்தில் விற்பனைக்கு வரும். அதன் பிறகு புக் செய்தால் வரும் 2019ம் ஆண்டுக்குள் டெலிவரி செய்யப்படும் என்று எதிர்பார்க்கப்படுகிறது.