Feb 07

ஓரிரவு மட்டும் ஜெயில் வாழ்க்கை; வினோத ஆசையை நிறைவேற்றிக் கொண்ட கேரள தொழிலதிபர்!

ஜெயிலில் வசிக்க வேண்டும் என்ற தொழிலதிபரின் கனவு நிறைவேறியது.

கேரள மாநிலத்தைச் சேர்ந்தவர் தொழிலதிபர் பாலி செம்மனூர். இவருக்கு நீண்ட நாட்களாக ஜெயிலில் ஒரு நாளாவது இருக்க வேண்டும் என்று ஆசை.

இதற்காக ஐதராபாத் வந்த அவர், 70கிமீ தொலைவில் உள்ள சங்காரெட்டி ஹெரிடேஜ் சிறைக்கு சென்றுள்ளார். அங்கு ரூ.500 கட்டணம் செலுத்தி, ஓர் இரவு மட்டும் தங்கியுள்ளார்.

அவருடன் அஷீர் அலி, பிரஷாந்த், பட்டி வினய் ஆகியோரும் இருந்துள்ளனர். இதுகுறித்து பேசிய தொழிலதிபர், சிறப்பான அனுபவமாக இருந்தது.இருண்ட அறை, சிறை உணவு, தரையில் உறக்கம் போன்றவை வித்தியாசமான அனுபவமாக காணப்பட்டது. மனிதனாக பிறந்தவர் வாழ்வின் அனைத்து நிலைகளையும் ரசித்து வாழ வேண்டும்.

தெலுங்கானாவில் உள்ள 220 ஆண்டுகள் பழமை வாய்ந்த சிறைச்சாலை, இரண்டு ஆண்டுகளுக்கு முன்பு ஹெரிடேஜ் சிறை எனப்படும் சுற்றுலாத் தலமாக மாற்றப்பட்டுள்ளது.

ரூ.500 செலுத்தி யாராக இருந்தாலும், சிறையில் வசிக்கலாம். அப்போது சிறைத்துறை அதிகாரிகள் தரும் வெண்ணிற ஆடையைத் தான் அணிய வேண்டும்.

இந்த திட்டத்திற்கு சிறைச்சாலையை உணருங்கள்(Fel the Jail) என்று பெயர் வைத்துள்ளனர். இதுவரை இரண்டு மலேசிய மக்கள் உட்பட 50 பேர், ஹெரிடேஜ் சிறையில் தங்கியுள்ளனர்.