May 15

ஐபிஎல் : டெல்லிக்கு ஏதிரான போட்டியில் மும்பை வெற்றி

பத்தாவது ஐபிஎல் தொடரின் கடைசி லீக் ஆட்டத்தில் டெல்லி அணியை , பெங்களூர் அணி 10 ரன்கள் வித்தியாசத்தில் வீழ்த்தி அபார வெற்றி பெற்றுள்ளது.

பத்தாவது ஐபிஎல் போட்டியில் ப்ளே ஆப் சுற்று வாய்ப்பைப் பறிகொடுத்த டெல்லி மற்றும் பெங்களூரு அணிகள் கடைசி லீக் ஆட்டத்தில் இன்று மோதினர். இதில் டாஸ் வென்ற பெங்களூரு அணி முதலில் பேட்டிங் செய்வதாக அறிவித்ததுபெங்களூரு அணி 20 ஓவரில் 6 விக்கெட்டுகளை இழந்து 161 ரன்கள் சேர்த்தது.

கடைசி ஆட்டத்தில் சிறப்பான ஆட்டத்தை வெளிப்படுத்திய கேப்டன் கோலி 58 ரன்கள் எடுத்து ஆட்டமிழந்தார். சிக்ஸர் மன்னன் கெய்ல் 48 ரன்கள் எடுத்து வெளியேறினார். டெல்லி அணியின் சார்பில் கம்மின்ஸ் 2 விக்கெட்டுகளையும் ஜாகீர், நதீம் ஆகியோர் தலா ஒரு விக்கெட்டும் கைப்பற்றினர்.

பின்னர் 162 ரன்களை எடுத்தால் வெற்றி என நிலையில் களமிறங்கிய டெல்லி அணியின் எஸ்.வி. சாம்சன் ரன் ஏதும் எடுக்காமல் அவுட் ஆனார்.துவக்க வீரரான கே.கே. நாயர் 26 ரன்களை குவித்து ஆட்டமிழக்க, எஸ்.எஸ். ஐயர் 32 ரன் மற்றும் ஆர்.ஆர். பண்ட் 45 ரன்களுக்கு ஆட்டமிழந்தனர். இவர்களை தொடர்ந்து களமிறங்கிய வீரர்கள் அடுத்தடுத்து ஆட்டமிழந்தனர்.

கடைசி ஓவரில் 13 ரன்கள் தேவைப்பட்ட நிலையில் மொகமது ஷமி ஸ்டம்பிங் முறையில் தனது விக்கெட்டை பறிகொடுத்தார். பின் கடைசி பந்தில் நதீம் கேட்ச் அவட் ஆக, 20 ஓவர்கள் முடிவில் டெல்லி அணி அனைத்து விக்கெட்களையும் இழந்து 151 ரன்களை மட்டுமே குவித்தது. இதன் மூலம் பெங்களூரு அணி 10 ரன்கள் வித்தியாசத்தில் வெற்றி பெற்றது..