May 15

மிரட்டல் ஏதிரொலி : ரஜினிக்கு துப்பாக்கி ஏந்திய போலீஸ் பாதுகாப்பு ?

மறைந்த மும்பை தாதா ஹாஜி அலி மஸ்தானின் வளர்ப்பு மகன் சூப்பர் ஸ்டார் ரஜினிகாந்திற்கு மிரட்டல் கடிதம் அனுப்பியுள்ளதை தொடர்ந்து ரஜினிக்கு தூப்பாக்கி ஏந்திய போலீஸ் பாதுகாப்பு வழங்கப்பட இருப்பதாக தகவல்கள் வெளியாகியுள்ளது.

கபாலி படத்தை தொடர்ந்து ரஜினிகாந்த், பா.ரஞ்சித் அடுத்ததாக ஒரு படத்தில் இணைய உள்ளனர். இந்த படத்தை நடிகர் தனுஷ் தயாரிக்கிறார். இந்தப்படத்தின் கதை மும்பையின் பிரபல தாதா ஹாஜி மஸ்தானின் வாழ்க்கையை சித்தரிக்கும் வகையில் இருக்கும் என்று கோலிவுட் வட்டாரத்தில் பேசப்படுகிறது. இந்நிலையில் ஹாஜி மஸ்தானின் வளர்ப்பு மகன் சுந்தர் ஷேகர், நடிகர் ரஜினிகாந்திற்கு மிரட்டல் கடிதம் ஒன்றை அனுப்பியுள்ளார்.

அதில், நீங்கள் ரஞ்சித் இயக்கத்தில் அடுத்து நடிக்கவிருக்கும் படத்தில் எனது வளர்ப்பு தந்தையின் வாழ்க்கையை எடுக்கப்போவதாக பத்திரிகை செய்தி மூலம் அறிந்தேன். அதில் எனது தந்தையை கடத்தல்காரர் போலவும், தாதா போன்றும் சித்தரிக்க உள்ளதாக தெரிந்து கொண்டேன். என்னுடைய வளர்ப்பு தந்தை மீது எந்த வழக்கும் இல்லை. நீதிமன்றம் அவருக்கு தண்டனையும் அளிக்கவில்லை. அப்படி இருக்கும் போது அவரை தவறாக சித்தரித்து படம் எடுப்பது கண்டனத்திற்கு உரியது.

எனது வளர்ப்பு தந்தையின் வாழ்க்கையை நன்றாக சித்தரிக்க வேண்டும். அப்படி இல்லாத பட்சத்தில் பின்விளைவுகளை சந்திக்க நேரிடும் என்றும் சுந்தர் சேகர் பகிரங்கமாக மிரட்டல் கடிதம் அனுப்பியுள்ளார்.

மேலும் ரஜினிக்கு மிரட்டல் கடிதம் வந்ததை தொடர்ந்து அவருக்கு தூப்பாக்கி ஏந்திய போலீஸ் பாதுகாப்பு வழங்கப்பட இருப்பதாக தகவல்கள் வெளியாகியுள்ளது