May 14

தெறிக்க விடும் டீசர்; ’அர்ஜூன் 150’ஐ பாராட்டிய ’தலைவர் 161’

நடிகர் அர்ஜூன் நடிக்கும் ’நிபுணன்’ பட டீசரைப் பார்த்து ரஜினிகாந்த் பாரட்டியுள்ளார்.

நடிகர் அர்ஜூன் தனது 150வது படத்தில் நடித்து வருகிறார். அப்படத்திற்கு ‘நிபுணன்’ என்று பெயர் வைக்கப்பட்டுள்ளது. இந்த படத்தில் அர்ஜூன் போலீஸ் அதிகாரியாக நடித்துள்ளார். அவருடன் ஒரு நட்சத்திர பட்டாளமே நடித்துள்ளது.

விசாரணைக்காக பல்வேறு நாடுகளுக்கு உளவு வேலை பார்க்க செல்வது போன்று கதை உருவாக்கப்பட்டுள்ளதாக கூறப்படுகிறது. இப் படத்தின் டீசர் நாளை வெளியாகும் என்று தெரிவிக்கப்பட்டுள்ளது. இந்நிலையில் ‘நிபுணன்’ படத்தின் இசை வெளியிடப்பட்டுள்ளது.

அந்நிகழ்ச்சியில் நடிகர் ரஜினிகாந்த் கலந்து கொண்டு சிறப்பித்தார். இதற்கிடையில் நிபுணன் பட டீசரை பார்த்த ரஜினி, மிகவும் சிறப்பாக அமைந்துள்ளதாக குறிப்பிட்டார். மேலும் அப்படக் குழுவினரை அவர் பாராட்டியுள்ளார். நடிகர் அர்ஜூன் நடிக்கும் 150வது படம் என்பதால், அவரது படத்தின் டீசரை 150 திரையுலக பிரபலங்களின் சமூக வலைத்தளங்கள் வெளியிட்டு, பாராட்டு தெரிவிக்க முடிவு செய்யப்பட்டுள்ளது.