May 14

பரிதாபமான பஞ்சாப் 73ரன்னில் ஆல் அவுட் : புனேக்கு பிரகாச வாய்ப்பு

புனே அணிக்கு எதிரான போட்டியில் பஞ்சாப் அணி 73 ரன்னில் அனைத்து விக்கெட்டையும் இழந்து. புனேயின் பிளே ஆஃப் சுற்று வாய்ப்பை பிரகாசப்படுத்தியுள்ளது.

பஞ்சாப் அணிக்கு எதிரான போட்டியில், டாஸ்வென்ற புனே அணி முதலில் பவுலிங் செய்ய தீர்மானித்தது. தொடர்ந்து களமிறங்கிய பஞ்சாப் அணிக்கு முதல் பந்திலேயே அதிர்ச்சி காத்திருந்தது. முதல்பந்தை எதிர்கொண்ட கப்டில், உனத்கட் பந்தில் அவுட்டாகி வெளியேறினார்.கப்டில் 0, சஹா 13, ஷான் மார்ஸ் 10, மோர்கன் 4, திவாடியா 4, மேக்ஸ்வெல் 0, அக்ஸர் படேல் 22, சுவப்னில் சிங் 10, மோகித் சர்மா 6, இசாந்த் சர்மா 1, சந்தீப் சர்மா 0 ரன்கள் எடுத்தனர்.

பாஞ்சாப்பின் 4 வீரர்கள் மட்டும் இரட்டை இலக்க ரன்களை எடுத்தனர்.

இதையடுத்து பஞ்சாப் அணி 15.5 ஓவரில் அனைத்து விக்கெட்டுகளையும் இழந்து 73 ரன்னில் சுருண்டது.

புனே அணியின் சர்துல் தாகூர் 4 ஓவரில் 19 ரன்கள் மட்டும் விட்டு கொடுத்து 3 விக்கெட்டுகளும், உனத்கட், டேனியல் கிறிஸ்டியன், ஆடம் ஜம்பா தலா 2 விக்கெட்டுகளை வீழ்த்தினர்.

பஞ்சாப் அணி வெறும் 73 ரன்கள் மட்டும் எடுத்துள்ளதால், புனே அணி எளிதாக வெற்றி பெறும் வாய்ப்பு ஏற்பட்டுள்ளது. புனே வெற்றி பெரும் பட்சத்தில் புனே 2வது இடத்திற்கு முன்னேறும்.