May 14

அன்னையர் தினம்: அம்மா கோவிலை திறந்த ராகவா லாரன்ஸ்!

 நடிகர் ராகவா லாரன்ஸ் தனது அம்மாவிற்காக கட்டிய கோயிலை அன்னையர் தினமான இன்று திறந்துள்ளார்.

கோலிவுட்டின் பிரபல நடிகராக உயந்துள்ளவர் ராகவா லாரன்ஸ். இவர், தனது அம்மா கண்மனிக்காக கோயிலை கட்டினார். அதை சர்வதேச அன்னையர் தினமான இன்று திறந்துள்ளார்.இக்கோயிலை பிரபல ஸ்டண்ட் மாஸ்டர் சூப்பர் சுப்ராயன் திறந்து வைத்துள்ளார். நடிகர் ராகவா லாரன்ஸ் தனது சொந்தச் செலவில் சென்னை அம்பத்தூரில் ராகவேந்திரருக்கு கோயில் கட்டியுள்ளார்.

அந்த கோயிலுக்கு எதிராக தனது அம்மா கண்மணிக்கு கோயில் ஒன்றையும் கட்டியுள்ளார். உலகிலேயே அம்மாவிற்கு கோவில் கட்டியுள்ள முதல் நடிகர் ராகவா லாரன்ஸ் தான். இந்த கோயிலில், அவரின் அம்மா கண்மணியின் 5 அடி உயர முழு உருவச் சிலையை வைத்துள்ளார். அந்தச் சிலை ராஜஸ்தானில் இருந்து வரவழைக்கப்பட்டது.

இக்கோவிலில் 13 அடி உயர காயத்திரி தேவியின் சிலையும் உள்ளது. கடவுளும், பெற்ற தாயும் ஒன்றுதான் என்று உலகுக்கு நிரூபிக்கும் கோவிலாக இது இருக்க வேண்டும் என லாரன்ஸ் தெரிவித்துள்ளார்.