May 13

அஜித் ரசிகருக்கு வாழ்த்து சொன்ன விஜய் ரசிகர்..!

சிம்புவின் ‘அ அ அ’ படத்தின் படப்பிடிப்பு தளத்திற்கு சென்ற ஜி.பி.பிரகாஷ்,சிம்புவை நேரில் சந்தித்து தனது வாழ்த்துகளை தெரிவித்துள்ளார்.

ஆதிக் ரவிச்சந்திரன் இயக்கத்தில் சிம்பு நடித்து வரும் ‘அன்பானவன் அழகானவன் அசராதவன்’ திரைப்படம், ரம்ஜானை முன்னிட்டு வரும் ஜுன் 23-ஆம் தேதி வெளியாகும் என அறிவிக்கப்பட்டுள்ளது. இதனைத் தொடர்ந்து படத்தின் இறுதிக்கட்ட படப்பிடிப்பு சூடுபிடித்துள்ளது.இந்நிலையில் ‘அ அ அ’ படத்தின் படப்பிடிப்பு தளத்திற்கு சென்ற நடிகரும் இசையமைப்பாளருமான ஜி.பி. பிரகாஷ் குமார், படம் வெற்றியடைய தனது வாழ்த்துகளை சிம்புவிடம் தெரிவித்துள்ளார். இது குறித்த புகைப்படம் ஒன்றையும் தனது டிவிட்டர் பக்கத்தில் சிம்பு வெளியிட்டுள்ளார்.

“என்னுடைய இனிய நண்பர் ஜி.வி.பிரகாஷ் குமாருக்கு நன்றி..!ரம்ஜான் அன்று புதிய ஆச்சரியத்தை காண தயாராக இருங்கள்.சிறப்பு..!” என சிம்பு தனது டிவீட்டில் தெரிவித்துள்ளார்.

சிம்புவின் இந்த புகைப்படத்திற்கு அவருடைய ரசிகர்களும் அஜித் ரசிகர்களும் வருத்தம் தெரிவித்துள்ளனர். தீவிர விஜய் ரசிகரான ஜி.வி.பிரகாஷ் உடன், அஜித் ரசிகரான நீங்கள் எப்படி புகைப்படம் எடுத்துக் கொள்ளலாம்? எனவும் சிலர் டிவிட்டரில் சிம்புவிடம் கேள்வி எழுப்பியுள்ளனர்.

’அ அ அ’ படத்தின் இயக்குநரான ஆதிக் ரவிச்சந்திரனின் முந்தைய திரைப்படமான “திரிஷா இல்லைனா நயந்தாரா” படத்தின் ஹீரோ ஜி.வி.பிரகாஷ் குமார் என்பது குறிப்பிடத்தக்கது.