May 13

எல்லையில் துப்பாக்கிச்சூடு; ராணுவச் சண்டையில் 2 பொதுமக்களை கொன்று குவித்த கொடூரம்

பாகிஸ்தான், இந்திய ராணுவச் சண்டையில் பொதுமக்கள் 2 பேர் பலியான சோகம் நிகழ்ந்துள்ளது.

ஜம்மு காஷ்மீரில் அமைந்துள்ள இந்திய - பாகிஸ்தான் எல்லையில் அத்துமீறி தாக்குதல் நடத்தப்படுவது தொடர்ந்து வருகிறது. அதற்கு பதிலடி கொடுக்கும் வகையில் இந்திய ராணுவமும் செயல்பட்டு வருகிறது. அமைதி பேச்சுவார்த்தைக்கான சூழல் பல்வேறு சமயங்களில் ஏற்பட்டும், அதனை நிறைவேற்றும் முடியாமல் இரண்டு நாடுகளும் தவித்து வருகின்றன. இந்நிலையில் இன்று அதிகாலை ராஜௌரி மாவட்டத்தில் உள்ள நவ்ஷெரா பகுதியில் பாகிஸ்தான் அத்துமீறி தாக்குதல் நடத்தியது. குண்டுகளை வீசியும், துப்பாக்கிச்சூடு நடத்தியும் தாக்குதலில் ஈடுபட்டது.

அதற்கு இந்திய ராணுவமும் தக்க பதிலடி கொடுத்தது. இந்நிலையில் இருதரப்பிலும் நடத்தப்பட்ட துப்பாக்கிச்சூட்டில் 2 பொதுமக்கள் பலியாகியுள்ளனர். மேலும் 3 பேர் படுகாயமடைந்தனர். அவர்கள் சிகிச்சைக்காக மருத்துவமனைக்கு கொண்டு சென்றனர். கடுமையான சண்டைக்குப் பின்னர், இந்திய ராணுவத்தினர் துப்பாக்கிச்சூடு நடத்தியவர்களை விரட்டி அடித்தனர்.