May 13

என்னது ரூ.1000 கோடி மோசடியா? லாலு மீது குண்டைத் தூக்கி போடும் பாஜக

லாலு பிரசாத் குடும்பத்தினர் ரூ.1000 கோடி அளவிற்கு மோசடி செய்துள்ளதாக பாஜக குற்றம்சாட்டியுள்ளது.

பீகார் மாநிலத்தின் முன்னாள் முதலமைச்சராக இருந்தவர் லாலு பிரசாத் யாதவ். அவர் கால்நடை தீவின ஊழல் வழக்கில் தண்டனை பெற்று, அவப்பெயர் பெற்றவர். இந்நிலையில் நில மோசடி விவகாரத்தில் லாலு பிரசாத் குடும்பத்திற்கு தொடர்பு இருப்பதாக குற்றச்சாட்டு எழுந்துள்ளது. இதுதொடர்பாக டெல்லியில் மத்திய அமைச்சர் ரவி சங்கர் பிரசாத் செய்தியாளர்களிடம் பேசினார்.

அப்போது, டெல்லியில் பிஜஸ்வான் என்ற இடத்தில் ரூ.50 கோடி மதிப்பிலான நிலத்தை ரூ.1 கோடியே 40 லட்சத்துக்கு வாங்கியதாக கூறினார். இதையடுத்து தலா ரூ.10 மதிப்புள்ள பங்குகளை ரூ.90க்கு விற்றதாக தெரிவித்தார்.பின்னர் மீண்டும் அதே பங்குகளை ரூ.1க்கு வாங்கியுள்ளதாக குறிப்பிட்டார்.

அதுமட்டுமல்லாமல் மிசா பாரதியின் நிறுவனத்தில் லாலுவின் மனைவி ராப்ரி தேவி 80% பங்குகளும், மகன் தேஜஸ்வி யாதவ் 15% பங்குகளும் வைத்துள்ளதாக குற்றம்சாட்டியுள்ளார்.

அதன் மூலம் ஒட்டுமொத்தமாக ரூ.1000 கோடி அளவிற்கு நில மோசடி நிகழ்ந்துள்ளதாக ரவி சங்கர் பிரசாத் தெரிவித்துள்ளார். எனவே லாலுவின் சொத்துக்கள் அனைத்தையும் பறித்து, அவரது குடும்பத்தினருக்கு உரிய தண்டனை விதிக்கப்பட வேண்டும் என்று கூறியுள்ளார்.