May 13

ஐபிஎல் : 7 ரன்கள் வித்தியாசத்தில் புனேவை விழ்த்தியது டெல்லி

புனே அணிக்கு எதிரான ஐபிஎல் தொடரின் லீக் போட்டியில், டெல்லி அணி 7 ரன்கள் வித்தியாசத்தில் வெற்றி பெற்றுள்ளது.

இந்தியாவில் 10வது ஐபிஎல் கிரிக்கெட் தொடர் நடக்கிறது. இதில் டெல்லியில் நடக்கும் 55வது லீக் போட்டியில், புனே, டெல்லி அணிகள் மோதுகின்றன. இதில் ’டாஸ்’ வென்ற டெல்லி அணி கேப்டன் ஜாகிர் கான், முதலில் ‘பேட்டிங்’ தேர்வு செய்தார்.டெல்லி அணியின் தொடக்க வீரர்களில் ஒருவரான கருண் நாயர் மற்றும் மிடில் ஆர்டர் பேட்ஸ்மேன் ரிஷப் பேன்ட் ஆகியோர் அதிரடி ரன் குவிப்பில் ஈடுபட்டனர். அவர்கள் இருவரும் முறையே 64 மற்றும் 36 ரன்கள் எடுத்தனர். இதனால், 20 ஓவர்கள் முடிவில் டெல்லி அணி, 8 விக்கெட்டுகள் இழப்புக்கு 168 ரன்கள் எடுத்தது.

பின் 169 ரன்கள் எடுத்தால் வெற்றி என்ற இலக்குடன் புனே அணி பேட்டிங் செய்தது. துவக்க ஆட்டக்காரர்களான ரகானே டக் அவுட்டாக, திரிபாதி 7 ரன்களில் ஆட்டமிழக்க பின் களமிறங்கிய சுமித் 38 ரன்களை சேர்த்தார், இவருடன் ஜோடி சேர்ந்த மனோஜ் திவாரி 60 ரன்களை குவித்தார். கடைசி பந்து வரை சென்ற போட்டியில், 7 விக்கெட்டுகள் இழப்புக்கு புனே அணியால் 161 ரன்கள் மட்டுமே எடுக்க முடிந்தது. இதனால், டெல்லி அணி 7 ரன்கள் வித்தியாசத்தில் வெற்றிபெற்றது.