May 12

உலகின் சிறந்த ஓரினச்சேர்க்கையாளர் அழகன் பட்டம் வென்ற பிலிப்பைன்ஸ் இளைஞர்!

2017ம் ஆண்டுக்கான உலகின் தலைசிறந்த ஓரினச்சேர்க்கை அழகன் என்ற பட்டத்தை பிலிப்பைன்ஸ் நாட்டைச் சேர்ந்த JohnRaspado வென்றுள்ளார்.

உலக அழகி, உலக அழகன் போன்ற பட்டங்கள் நமக்கெல்லாம் தெரிந்தவை. ஆனால், இந்த அழகுப் போட்டிகள் சற்று விரிவடைந்து, தற்போது, ஓரினச்சேர்க்கையாளர், அரவாணிகள் என பல தரப்பினருக்கும் நடத்தப்பட்டு வருகிறது.இதன்படி, நடப்பாண்டின் சிறந்த ஓரினச்சேர்க்கை அழகன் என்ற பட்டத்தை, பிலிப்பைன்ஸ் நாட்டைச் சேர்ந்த ஜான் வென்றுள்ளார். இவர் ஏற்கனவே, மிஸ்டர் ஆன்லைன் வோட், சிறந்த நீச்சல் வீரர், மிஸ்டர் இன்டர்வியூ, மிஸ்டர் சோஷியல் மீடியா உள்ளிட்ட பல விருதுகளையும் பெற்றுள்ளார்.

35 வயதாகும் ஜான், 6 அடி உயரமும், வசீகர உடல்கட்டும் கொண்டவர் ஆவார். பிரச்னை என்னவெனில், இவர் ஓரினச்சேர்க்கையாளர் ஆவார். இந்த விசயம் சில மாதங்கள் முன்புதான் தெரியவந்தது. இதனை உறுதி செய்யும் விதமாக, ஸ்பெயின் நாட்டில் நடைபெற்ற ஓரினச்சேர்க்கையாளர் அழகன் போட்டியில் பங்கேற்று, பட்டத்தையும் வென்றுள்ளார்.

இதுகுறித்து, அவரது ஃபேஸ்புக் பக்கத்தில் பதிவிட்டுள்ளார். அதில், ஓரினச்சேர்க்கையாளர் பட்டம் வென்றது மகிழ்ச்சி அளிப்பதாகவும், ஓரினச்சேர்க்கையாளராக இருப்பதில் தவறில்லை எனவும் ஜான் குறிப்பிட்டுள்ளார்.