May 12

தென்னிந்தியாவிலேயே இணையத்தில் முதல் இடத்தில் அஜித்!!

இணையத்தில் தொடர்ந்து தென்னிந்திய நட்சத்திரங்களில் நடிகர் அஜித்தான் முதல் இடத்தில் இருக்கிறார்.

தமிழத்தில் மட்டுமின்றி தென்னிந்தியாவிலேயே நடிகர் அஜித்தின் படத்திற்கு பெரிய அளவில் வரவேற்பு உள்ளது. திரைப்படங்கள் வெளியாவதற்கு முன்பே, அவரது படங்களின் டீசரும், டிரைலரும் இதை நிரூபித்து வருகின்றன. அவர் நடிப்பில் வெளியான வீரம், என்னை அறிந்தால் மற்றும் வேதாளம் ஆகிய திரைப்படங்கள் தொடர்ந்து டீசர், டிரைலர், பாக்ஸ் ஆபீஸ் ஆகியவற்றில் வெற்றி பெற்றன.

தற்போது அவரது நடிப்பில், சிவா இயக்கத்தில் விவேகம் படம் தயாராகி வருகிறது. இந்தப் படத்தின் டீசர் கடந்த இரண்டு நாட்களுக்கு முன்பு வெளியானது. இந்த டீசர் வெளியான 24 மணி நேரத்தில் 61 லட்சம் பார்வையாளர்களையும், கபாலி திரைப்படம் வெளியான 24 மணி நேரத்தில் 51 லட்சம் பார்வையாளர்களையும், கட்டமராய்டு 29 லட்சம் பார்வையாளர்களையும், பைரவா 28 லட்சம் பார்வையாளர்களையும், சூர்யா நடிப்பில் வெளியான சி 3, 27 லட்சம் பார்வையார்களையும் பெற்று இருந்தன.

தற்போது வெளியான விவேகம் டீசர் வெறும் 57 நொடிகள் மட்டுமே இடம் பெற்று இருந்தது. பஞ்ச் டயலாக் ஹிட் ஆகியுள்ளது, ''என்னை யாரும் ஜெயிக்க முடியாது. நெவர்.. எவர்..'' என்ற வசனம் சமூக வலைதளங்களில் மாஸ் கட்டி வருகிறது.

மொத்தத்தில் இவற்றை வைத்து பார்க்கும்போது முன்னணியில் இருப்பது அஜித்தின் விவேகம்தான். தற்போது வரைக்கும் 70 லட்சத்திற்கும் அதிகமான பார்வையாளர்களை விவேகம் டீசர் ஈர்த்துள்ளது.