May 12

முன்னாள் முதல்வர் கதாபாத்திரத்தில் நடிக்க உள்ள அர்ஜுன்..!

கர்நாடக முன்னாள் முதல்வர் குமாரசாமியின் வாழ்க்கை வரலாற்று திரைப்படத்தில் ஆக்‌ஷன் கிங் அர்ஜுன் நடிக்க உள்ளார்.

கர்நாடக மாநில முன்னாள் முதல்வரும் முன்னாள் பிரதமர் தேவ கவுடாவின் மகனுமாகிய குமாரசாமி ஏற்கனவே திரைப்பட தயாரிப்பாளராகவும் விநியோகஸ்தராகவும் திரையுலகில் பங்கு பெற்றவர். தற்போது முழு நேர அரசியலில் ஈடுபட்டு வரும் அவருடைய வாழ்க்கை வரலாறு திரைப்படமாக உருவாக உள்ளது.

பூமி புத்ரா என்ற பெயரை வேறு ஒரு தயாரிப்பு நிறுவனம் பதிவு செய்து வைத்திருந்தது. ஆனால் அந்த பெயரை சென்னாம்பிகா தயாரிப்பு நிறுவனம் தற்போது வாங்கியுள்ளது. இந்த சென்னாம்பிகா தயாரிப்பு நிறுவனம், முன்னாள் முதல்வர் குமாரசாமிக்கு சொந்தமானது என்பது குறிப்பிடத்தக்கது. அதாவது தனது வாழ்க்கை வரலாற்றை தானே தயாரிக்க உள்ளார் குமாரசாமி.

தன்னுடைய அரசியல் வாழ்க்கைக்கும்,கர்நாடக மக்களிடையே செல்வாக்கை அதிகரிக்கவும் தனது வாழ்க்கை வரலாற்று திரைப்படம் உதவியாக இருக்கும் என குமாரசாமி முடிவு செய்துள்ளதால், இந்த புதிய முயற்சியில் அவர் இறங்கியுள்ளதாக கூறப்படுகிறது..