Jan 12

யாழ். பல்கலைக்கழக மோதலின் எதிரொலி! மாணவர்களுக்கு வகுப்புத் தடை

யாழ். பல்கலைக்கழகத்தின் மூன்றாம் மற்றும் நான்காம் ஆண்டு கலைப்பீட மாணவர்களுக்கு மறு அறிவித்தல் வரை வகுப்புத் தடை விதிக்கப்பட்டுள்ளதாக கலைப்பீட பீடாதிபதி சுதாகர் தெரிவித்துள்ளார்.

சட்டம் மற்றும் இராமநாதன் நுண்கலைப் பீடம் தவிர்ந்த ஏனைய கலைப்பீட மாணவர்களுக்கு இவ்வாறு வகுப்புத் தடை விதிக்கப்பட்டுள்ளதாக அவர் தெரிவித்துள்ளார்.

இன்று பிற்பகல், மூன்றாம் மற்றும் நான்காம் ஆண்டு கலைப்பீட மாணவர்களுக்கு இடையே மோதல் இடம்பெற்றது. இதில் மூன்று மாணவர்கள் காயமடைந்த நிலையில், வைத்தியசாலையில் அனுமதிக்கப்பட்டுள்ளனர்.

இந்நிலையிலேயே, மாணவர்களுக்கு மறு அறிவித்தல் வரையில் வகுப்புத் தடை விதிக்கப்பட்டுள்ளது.

எவ்வாறாயினும், முதலாம் மற்றும் இரண்டாம் ஆண்டு மாணவர்களின் கல்வி நடவடிக்கை தொடர்ச்சியாக இடம்பெறும் என பல்கலைக்கழகத் தகவல்கள் தெரிவிக்கின்றன.