May 12

இன்று பிளஸ் 2 தேர்வு முடிவுகள் : இந்த இணையதளங்களில் காணலாம்

பன்னிரண்டாம் வகுப்பு தேர்வு முடிவுகள் இன்று வெளியாகிறது. www.tnresults.nic.in www.dge1.tn.nic.in www.dge2.tn.nic.in ஆகிய இணையதளங்களில் பிளஸ் 2 தேர்வு முடிவுகளை காணலாம்.

தமிழகத்தில் இந்த ஆண்டு பிளஸ் டூ தேர்வை 9 லட்சம் மாணவ, மாணவிகள் எழுதியிருந்தனர். இந்நிலையில் புதிய முயற்சியாக பிளஸ் டூ மற்றும் பத்தாம் வகுப்பு அரசுத் தேர்வு முடிவுகள் வெளியிடப்படும் தேதி முன் கூட்டியே பள்ளிக் கல்வித்துறை அமைச்சர் செங்கோட்டையனால் அறிவிக்கப்பட்டது.

இதன்படி பிளஸ் டூ தேர்வு முடிவுகள் இன்றும், பத்தாம் வகுப்பு தேர்வுக் முடிவுகள் வரும் 19-ஆம் தேதியும் வெளியிடப்படும் என தெரிவிக்கப்பட்டது.தேர்வு எழுதிய அனைத்து மாணவ,மாணவிகளின் செல்போன் எண்களுக்கும் அவர்களுடைய தேர்வு முடிவுகள் எஸ்.எம்.எஸ் வழியாக அனுப்பி வைக்கப்படும் புதிய முறை இந்தாண்டு முதல் நடைமுறைக்கு வருகிறது.


10வது மற்றும் பிளஸ் 2 ஆகிய பொதுத்தேர்வுகளில் முதல் 3 ரேங்க் எடுப்பவர்களின் விவரம் இன்று வெளியிடப்படாது. இதனால் மாணவர்களிடையே ஏற்படும் தாழ்வு மனப்பான்மை குறையும் என ஏதிர்பார்க்கப்படுகிறது.

பிளஸ் டூ தேர்வு முடிவுகள் இன்று காலை 10 மணிக்கு இணையதளத்தில் வெளியிடப்படும் எனவும் இணையதளம் வழியாக தேர்வு முடிவுகளை பார்ப்பதில் எந்த தடங்கலும் இந்த முறை ஏற்படாது எனவும் பள்ளிக் கல்வித்துறை அதிகாரிகள் தெரிவித்துள்ளனர்.
www.tnresults.nic.in
www.dge1.tn.nic.in
www.dge2.tn.nic.in ஆகிய இணையதளங்களில் பிளஸ் 2 தேர்வு முடிவுகளை காணலாம்.