May 11

"மக்கள் எதிர்ப்பு தெரிவித்தால் டாஸ்மாக் கடை திறக்க மாட்டோம்": தமிழக அரசு உறுதி..!

மக்கள் எதிர்ப்பு தெரிவிக்கும் பகுதிகளில் டாஸ்மாக் கடைகளை திறக்க மாட்டோம் என தமிழக அரசு சென்னை உயர்நீதிமன்றத்தில் உறுதி அளித்துள்ளது.
சில வாரங்களுக்கு முன்னர் தேசிய நெடுஞ்சாலைகளில் மதுபானக் கடைகளை நடத்தக் கூடாது என்ற வரலாற்று சிறப்பு வாய்ந்த தீர்ப்பை உச்சநீதிமன்றம் வழங்கியது.

இதனை தொடர்ந்து தமிழகத்தின் அனைத்து வகையான நெடுஞ்சாலை பகுதிகளில் அமைந்திருந்த சுமார் 3000 டாஸ்மாக் கடைகள் மூடப்பட்டன.

இதனை தொடர்ந்து மூடப்பட்ட டாஸ்மாக் கடைகளை, அந்தந்த பகுதிகளில் உள்ள குடியிருப்பு பகுதிகள் துவங்க தமிழக அரசு முயற்சி செய்து வந்தன. ஆனால் இதற்கு பெண்கள் கடும் எதிர்ப்பு தெரிவித்தனர்.

மேலும் தமிழகத்தின் பல பகுதிகளில் குடியிருப்புப் பகுதிகளில் திறக்கப்பட இருந்த புதிய டாஸ்மாக் கடைகளின் கட்டிடங்கள் அடித்து நொறுக்கப்பட்டன.

சில இடங்களில் டாஸ்மாக் கடைகளை சூறையாடியதாக கூறி, பொதுமக்கள் சிலர் கைது செய்யப்பட்டனர்.

இதற்கு எதிர்ப்பு தெரிவித்து சென்னை உயர்நீதிமன்றத்தில் வழக்கு தொடரப்பட்டிருந்தது. இந்நிலையில் இந்த வழக்கு தொடர்பாக சென்னை உயர்நீதிமன்றத்தில் ஆஜரான தமிழக அரசு வழக்கறிஞர், இனி மக்கள் எதிர்ப்பு தெரிவிக்கும் பகுதிகளில் டாஸ்மாக் கடைகளை திறக்க மாட்டோம் என தமிழக அரசின் சார்பின் உறுதி அளித்தார்.
தமிழகத்தில் மது விலக்கிற்கு எதிரான போரட்டத்திற்கு கிடைத்த முக்கிய திருப்புமுனையாக, தமிழக அரசின் இந்த வாதம் கருதப்படுகிறது.