May 11

இணையத்தில் வைரலாகும் பாகுபலி பிரபாஸின் மெழுகுச்சிலை!

பாகுபலி திரைப்படம் வெளியாகி இரண்டு வாரங்கள் ஆனபின்பும் கூட அதன் தாக்கம் இன்னும் குறையவில்லை.

இந்தியா என்றாலே பாலிவுட் தான் படங்களுக்கும், ஸ்டார்களுக்கும் புகழ்பெற்றது என்ற நிலையை மாற்றியிருக்கிறது எஸ்எஸ் ராஜமௌலி இயக்கி வெளியாகியுள்ள பாகுபலி 2 திரைப்படம்! தமிழில் வெளியாகியுள்ள பாகுபலியும் ரசிகர்களிடம் பெரும் வரவேற்பை பெற்றுள்ளது.

பாலிவுட்டின் கான் மற்றும் கபூர் நடிகர்களை ஓரங்கட்டி பிரபாஸ், ராணா புகழ் அடைந்துள்ளனர். இதனைத்தொடர்ந்து பாகுபலி நடிகர் பிரபாஸின் மெழுகுச்சிலை பாங்காக் மடேம் டஸ்ஸாட்ஸ் மியூசியத்தில் வைக்கப்பட்டுள்ளது.

இதன் மூலம் பாங்காக்கில் உள்ள மடேம் டஸ்ஸாட்ஸில் மெழுகுச்சிலை வைக்கப்படும் முதல் தென்னிந்திய நடிகர் என்ற பெருமையை நடிகர் பிரபாஸ் பெறுகிறார்.

தென்னிந்தியாவின் முகப்பெரிய ஸ்டாரான ரஜினிகாந்த் சிலை கூட இந்த மியூசியத்தில் இல்லை என்பது குறிப்பிடத்தக்கது.

பாலிவுட்டின் அமிதாப் பச்சன், ஐஷ்வர்யா ராய், ஷாருக்கான், சல்மான்கான் ஆகியோரின் சிலைகள் லண்டனில் உள்ள மடேம் டஸ்ஸாட்ஸ் மியூசித்தில் உள்ளன.இது குறித்து கருத்து தெரிவித்த நடிகர் பிரபாஸ், மடேம் டஸ்ஸாட்ஸ் மியூசித்தில் மெழுகு சிலை நிறுவியது மிகுந்த மகிழ்ச்சி அளிக்கிறது.

இதற்கு முழுக்காரணம் ரசிகர்கள் தான். அவர்களுக்கு நான் மிக்க நன்றி. அதே போல் என்னுடைய குரு இயக்குநர் ராஜமௌலிக்கும் எனது நன்றியை தெரிவித்துக்கொள்கிறேன் என்றார்.