Dec 25

பூரி கடற்கரையில் உலகில் மிகப்பெரிய கிறிஸ்துமஸ் தாத்தா: சுதர்சன் பட்நாயக்கின் மணல் சிற்பம்!

ஓரிசாவின் பூரி கடற்கரையில் உலகிலேயே மிகப்பெரிய கிறிஸ்துமஸ் தாத்தாவின் முகத்தை மணல் சிற்பத்தில் வரைந்துள்ளார் சுதர்சன் பட்நாயக்.

கிறிஸ்துமஸ் தினத்தை முன்னிட்டு ஒரிசா மாநிலத்தின் பூரி கடற்கரையில், மணல் சிற்ப கலைஞர் சுதர்சன் பட்நாயக், உலகிலேயே மிகப்பெரிய கிறிஸ்துமஸ் தாத்தாவின் முகத்தை சிற்பமாக வரைந்துள்ளார்.

அதோடு உலக அமைதி என்றும் குறிப்பிட்டுள்ளார். அவர் வரைந்த கிறிஸ்துமஸ் தாத்தாவின் மணல் சிற்பம 25 அடி உயரமும், 50 அடி அகலமும் கொண்டதாக உருவாக்கப்பட்டுள்ளது. இது லிம்கா உலக சாதனையில் இடம் பெறும். கிறிஸ்துமஸ் தாத்தாவின் சிற்பத்திற்கு அருகில் இயேசு கிறிஸ்துவின் மணல் சிற்பத்தையும் உருவாக்கியுள்ளார்.

இந்த மணல் சிற்பத்தை வரை கிட்டதட்ட 600 டன் மணல் வரை பயன்படுத்தியுள்ளார். வரும் ஜனவரி 1ம் தேதி பூரி கடற்கரையில் வரையப்பட்டுள்ள இந்த மணல் சிற்பம அப்படியே இருக்கும்.

ஏனென்றால், பூரி கடற்கரையில் உள்ள கோவிலுக்கு அதிகப்படியான சுற்றுலாவாசிகள் வருவதால், கிறிஸ்துமஸ் தாத்தாவின் மணல் சிற்பம் அப்படியே இருக்கும். இதே போன்று கடந்தாண்டு 1000 கிறிஸ்துமஸ் தாத்தா சிற்பங்களை உருவாக்கியுள்ளார் என்பது குறிப்பிடத்தக்கது.