May 10

ஒரே நேரத்தில் சூரியன் மறைவு , சந்திரன் உதயம் : கன்னியாகுமரியில் இன்று காணலாம்

கன்னியாகுமரியில் ஒரே நேரத்தில் சூரியன் மறைவு மற்றும் சந்திரன் உதயமாகும் அபூர்வ காட்சியை இன்று காணலாம்.
மக்கள் எப்பொழுதும் சூரியன் , சந்திரன் உதிக்கும் , மறையும் காட்சிகளை காண ஆவலாக இருப்பார்கள். இந்தநிலையில் சித்ரா பவுர்ணமியையொட்டி புதன்கிழமை கன்னியாகுமரி கடலில் சூரியன் மறையும் போது சந்திரன் உதயமாகும்.

ஒரே நேரத்தில் சூரியன் மறைவு மற்றும் சந்திரன் உதயமாகும் காட்சி என்பது மிகவும் அபூர்வமானது. இந்த அபூர்வ காட்சியை கன்னியாகுமரியிலும், ஆப்பிரிக்கா கண்டத்தில் உள்ள அடர்ந்த காடுகள் நிறைந்த ஒரு மலையிலும் மட்டும் தான் காண முடியும்.

இதனிடையே கன்னியாகுமரியில் புதங்கிழமை மாலை 6.32 மணிக்கு மேற்கு பக்கம் உள்ள அரபிக்கடல் பகுதியில் சூரியன் மறையும். அதே நேரத்தில் கிழக்கு பக்கம் உள்ள வங்கக்கடலில் சந்திரன் நெருப்புப்பந்து போல மேலே எழும்பும்.

இந்த அபூர்வ காட்சியை கன்னியாகுமரியில் முக்கடலும் சங்கமிக்கும் திரிவேணி சங்கமம் சங்கிலித்துறை கடற்கரை பகுதியில் இருந்து சுற்றுலா பயணிகள் காணலாம்.