Mar 07

இலங்கை அரசாங்கத்துக்கு பொன்.ராதாகிருஷ்ணன் கண்டனம்

இராமேஸ்வரம் மீனவர் சுட்டுக் கொல்லப்பட்ட சம்பவத்தையடுத்து இலங்கை அரசாங்கத்துக்கு மத்திய இணை அமைச்சர் பொன்.ராதாகிருஷ்ணன் கண்டனம் தெரிவித்துள்ளார்.

நாகர்கோவிலில் செய்தியாளர்களைச் சந்தித்த அவர் கூறுகையில், 

பிரதமராக நரேந்திர மோடி பதவியேற்றவுடன் மேற்கொள்ளப்பட்ட மிக முக்கியமான ஒப்பந்தம், எக்காரணம் கொண்டும் இந்திய மீனவர்களை இலங்கை அரசாங்கம் துன்புறுத்தக் கூடாது என்பதுதான்.

ஆனால் ஒப்பந்தத்தை மீறி இலங்கை அரசாங்கம் இந்திய மீனவர்கள் மீது கொடூரத் தாக்குதலில் ஈடுபட்டதுடன் துப்பாக்கிச் சூடும் நடத்தி ஒருவர் உயிரிழப்புக்கு காரணமாகியுள்ளது.

இதற்காக இலங்கை அரசாங்கத்திற்கு கடும் கண்டனத்தைத் தெரிவித்துக் கொள்கிறேன். மீனவர்களின் பிரச்னைகளை பிரதமரின் கவனத்துக்கு கொண்டுசென்று கடும் நடவடிக்கை எடுத்துஇ நிரந்தரத் தீர்வு காணப்படும்.

தமிழகத்தை பாஜக புறக்கணித்தது என்று தமிழ்நாடு காங்கிரஸ் கமிட்டி தலைவர் திருநாவுக்கரசர் கூறுகிறார். எந்த வகையில் தமிழகம் புறக்கணிக்கப்பட்டது என்பதை அவர் தெளிவுபடுத்த வேண்டும்.

காங்கிரûஸவிட எந்த அரசும் தமிழகத்தை புறக்கணித்திருக்காது. மத்தியில் பாஜக ஆட்சி அமைந்த பிறகுதான் தமிழகத்தில் வளர்ச்சித் திட்டங்கள் நிறைவேற்றப்பட்டு வருகின்றன என்றார்.