May 09

ரெட்டியை அறிமுகம் செய்தவர் ஓபிஎஸ்: சி.வி.சண்முகம் புகார்

சட்டவிரோத பணப்பரிமாற்ற வழக்கில் கைது செய்யப்பட்டு சிறையில் அடைக்கப்பட்டிருக்கும் மணல் மாபியா சேகர் ரெட்டியை தமிழகத்துக்கு அறிமுகப்படுத்தியவர் முன்னாள் முதல்வர் ஓ.பன்னீர்செல்வம் என அமைச்சர் சி.வி.சண்முகம் புகார் கூறியுள்ளார்.

சென்னையில் செய்தியாளர்களை சந்தித்த அமைச்சர் சி.வி.சண்முகம் கூறுகையில், 'ஓபிஎஸ் மீதான ஊழல் புகார்களை முதலில் விசாரிக்க வேண்டும். அவர் மீதான குற்றச்சாட்டுகளின் விசாரணைக்கு ஓபிஎஸ் தயாரா என்றும் அமைச்சர் சண்முகம் கேள்வி எழுப்பியுள்ளார்.


மேலும், மறைந்த முதல் ஜெயலலிதா பெங்களூரு சிறையில் இருந்தபோது, தமிழக முதல்வராக இருந்த ஓ.பன்னீர்செல்வம், அவசரகதியில் சேகர் ரெட்டியை திருப்பதி தேவஸ்தான உறுப்பினராக நியமிக்க என்ன காரணம்? எனவும் சண்முகம் கேள்வி எழுப்பியுள்ளார்.


அதிமுகவின் இரு அணிகளும் இணையவிருப்பதாக கூறப்பட்ட நிலையில், தற்போது இரு அணியினரும் ஒருவர் மீது ஒருவர் பரஸ்பர குற்றச்சாட்டுக்களை கூறி வருகின்றனர்.