May 09

விமானம் ஓட்டும் போது 2 மணி நேரம் அசந்து தூங்கிய விமானி; கதிகலங்கிய பயணிகள்

விமானம் ஓட்டும் போது 2 மணி நேரம் தூங்கிய விமானியால், பயணிகள் அதிர்ச்சியடைந்தனர்.
விமானம் விண்ணில் பறந்து கொண்டிருக்கும் போது, பயிற்சியாளரிடம் விமானத்தை கொடுத்து விட்டு, விமானி தூங்கினார் என்று கேள்வி பட்டால் என்ன செய்வீர்கள்? அதிர்ச்சியில் மயங்கியே விடுவீர்கள்.

ஆனால் இது நடைமுறையில் நிகழ்ந்த ஒன்றாகிவிட்டது. ஆம்! பாகிஸ்தான் சர்வதேச விமான நிறுவனத்தின் விமானி ஒருவர், இஸ்லாமாபாத்தில் இருந்து லண்டனிற்கு விமானத்தை ஒட்டிச் சென்றுள்ளார்.

விமானம் புறப்பட்ட சில நிமிடங்களில் ஆழ்ந்த உறக்கத்திற்கு சென்றுள்ளார். அப்போது விமானத்தை பயிற்சி விமானி ஒருவர் ஓட்டியுள்ளார்.

விமானத்தில் 305 பயணிகள் இருந்தது குறிப்பிடத்தக்கது. அந்த விமானி அமிர் அக்தர் ஹஸ்மி, விமானத்தின் பிஸினஸ் கிளாஸ் பிரிவில் உறங்கியுள்ளார்.

305 பயணிகளின் வாழ்வையும் பயிற்சியாளரின் கையில் ஒப்படைத்துவிட்டு சென்றுள்ளார். இதுகுறித்து டிவிட்டரில் தகவல் வெளியான நிலையில், பாகிஸ்தான் சர்வதேச விமான நிறுவனத்தை பல்வேறு தரப்பினரும் கண்டித்து வருகின்றனர்.

இந்நிலையில் விதிமீறலில் ஈடுபட்ட விமானி தற்காலிக நீக்கம் செய்யப்பட்டிருப்பதாக தகவல்கள் தெரிவிக்கின்றன.