May 09

2,200 கலைமான்களை ஈவு, இரக்கமின்றி கொல்லும் அரசு

 2,200 கலைமான்களை கொல்ல நார்வே அரசு கொல்ல திட்டமிட்டுள்ளது.
மான் இனத்தில் பரவும் தொற்று நோய் ‘க்ரோனிக் வேஸ்டிங்’. மான்களின் எச்சில் மூலம் பரவும் இந்த நோயால் அவை சில நாட்களில் மடிந்து விடுகின்றன.

இந்நோய் அமெரிக்காவில் அதிகமாக பரவியுள்ளது. தற்போது நார்வேயில் உள்ள மான்களுக்கிடையே தொற்று நோய் பரவி வருகிறது. அதனைக் கட்டுப்படுத்த அந்நாட்டு அரசு தீவிர நடவடிக்கையில் ஈடுபட்டுள்ளது.

நார்வே நாட்டின் நோர்ஜெல்லா மலைப்பகுதியில் உள்ள 2,200 கலைமான்களை கொல்ல திட்டமிட்டுள்ளது. அதற்கான இலக்கு மே 1, 2018 என நிர்ணயிக்கப்பட்டுள்ளது.

கொல்லப்படும் மான்களின் எண்ணிக்கை ஒட்டுமொத்த மான்களின் எண்ணிக்கையில் 6% என்று தெரிவிக்கப்பட்டுள்ளது. அதற்காக மூன்று குழுக்கள் நியமிக்கப்பட்டு, ஆய்வு நடத்தப்பட்டு வருகிறது.

அரசின் இந்த நடவடிக்கைக்கு நாடு முழுவதும் கண்டனக் குரல்கள் எழுந்து வருகின்றன. இருப்பினும் தொற்று நோய் மேலும் பரவாமல் தடுக்க அரசிடம் வேறு வழியில்லை. மேலும் கலைமான்களை அதிக அளவில் இனப்பெருக்கம் செய்ய வைக்கும் திட்டங்கள் தங்களிடம் இருப்பதாக நார்வே அரசு குறிப்பிட்டுள்ளது.