May 08

நான் பணக்காரன் இல்லை: வருத்தத்தில் ஏ.அர்.ரஹ்மான்

பாகுபலி படத்தைப் போன்று படம் உருவாக்க என்னிடம் பணம் இல்லை என்று ஏ.ஆர்.ரஹ்மான் தெரிவித்துள்ளார்.

ஆஸ்கர் நாயகன் இசையமைப்பாளர் ஏ.ஆர்.ரஹ்மான் இயக்குனராக அறிமுகமாகும் படம் லே மஸ்க். இப்படத்தின் இசை வெளியீட்டு விழா சமீபத்தில் நடந்தது. இதில் கலந்து கொண்ட ஏ.ஆர்.ரஹ்மான் கூறுகையில், பாகுபலி படத்தைப் போன்று உருவாக்க என்னிடம் ரூ.200 கோடி பணமில்லை என்று அவர் கூறியுள்ளார்.

மேலும், பாகுபலி போன்று ஒரு படம் எடுக்கும் போது மன அழுத்தம் இருப்பதாக உணர்வோம். அது 3டி போன்ற ஒரு தொழில்நுட்பம் தொடர்பாக இருக்கும். இது போன்ற சில காரணங்களால் நான் பாகுபலி போன்று ஒரு படத்தை எடுக்க விரும்பவில்லை. அதோடு என்னிடம் ரூ.200 கோடி பணமில்லை. இதற்கு மிகப்பெரிய இயக்குனர்கள் நம்மிடையே இருக்கிறார்கள்.


நான் எப்போதும், இசை, அழகு மற்றும் காட்சியமைப்புகளை உருவாக்க விரும்புகிறேன். மக்களுக்காக உலகத்தை உருவாக்க விரும்புகிறேன். அப்படி உருவாக்கினால், அதனை விட்டு வெளியே வரமாட்டார்கள். கதையின் எதிர்மறையான அம்சங்களை சித்தரிக்க முயன்றிருக்கிறேன். அது ஆன்மீக ரீதியில் உங்களை தொந்தரவு செய்யவில்லை என்று நம்புகிறேன் என்று அவர் கூறியுள்ளார்.