Dec 07

மகள், வருங்கால மருமகனுடன் கமல்: வைரலாகும் புகைப்படம்

நடிகர் கமல் தன்னுடைய மகள் மற்றும் வருங்கால மருமகன் மைக்கேல் கோர்சலே உடன் இருக்கும் புகைப்படம் ஒன்று தற்போது வைரலாகி வருகிறது.

உலக நாயகன் கமல்ஹாசனின் மூத்த மகள் ஸ்ருதிஹாசன் லண்டனைச் சேர்ந்த நடிகர் மைக்கேல் கோர்சலே என்பவரை காதலிப்பதாகவும், இவர்களது திருமணத்திற்கு ஸ்ருதியின் தாய் சரிகா சம்மதம் தெரிவித்துவிட்டதாகவும் கூறப்படுகிறது. இந்த நிலையில், நேற்று சென்னையில் கவியரசு கண்ணதாசனின் பேரன் ஆதிக் கண்ணதாசனின் திருமணம் நடந்தது. இந்த திருமணத்திற்கு நடிகை ஸ்ருதிஹாசன், தனது லண்டன் காதலுருடன் வருகை தந்திருந்தார்.

இதே விழாவுக்கு வந்திருந்த கமல்ஹாசனிடம் ஸ்ருதி தனது காதலரை அவரிடம் அறிமுகம் செய்து வைத்துள்ளதாக தெரிகிறது. தற்போது கமல்ஹாசன், ஸ்ருதிஹாசன் மற்றும் மைக்கேல் கோர்ஷலே ஆகியோர் இருக்கும் புகைப்படம் ஒன்று தற்போது வைரலாகி வருகிறது. ஸ்ருதி – மைக்கேல் ஆகியோரது திருமணம் அடுத்தாண்டு நடக்கும் என்று எதிர்பார்க்கப்படுகிறது.