Dec 05

யாழில் நடந்த பல லட்சம் பெறுமதியான மகா திருட்டு

யாழ்ப்பாணம் றக்கா விதியில் அமைந்துள்ள தனியார் நிறுவனம் ஒன்றில் 37 லட்சம் ரூபாய் பணம் திருடப்பட்டதுடன் நிறுவனத்தில் பொருத்தப்பட்டிருந்த சீசீரிவி கமெராக்களும் நேற்று இரவு திருடப்பட்டுள்ளது.

இந்தச் சம்பவம் தொடர்பில் குறித்த நிறுவனத்தில் உள்ள பணியாளர்கள் அனைவரிடமும் யாழ் பொலிஸாரால் இன்று வாக்குமூலம் பெறப்பட்டுள்ளது.

யாழ்ப்பாணம் றக்கா வீதியில் அமைந்துள்ள தனியார் நிறுவனம் ஒன்றில் 15 க்கும் மேற்பட்ட பணியாளர்கள் கடமையாற்றி வருகிறார்கள்.

நேற்று குறித்த நிறுவனத்தில் 37 இலட்சம் ரூபாய் வைக்கப்பட்டுள்ளது. நேற்று இரவு அங்கு இருந்த பணம் திருடப்பட்டுள்ளதுடன் நிறுவனத்தில் பொருத்தப்பட்டிருந்த அனைத்து கமெராக்களும் களவாடப்பட்டு இருந்துள்ளது.

இன்று வேலைக்கு திரும்பியவர்கள் வழமைபோல் தமது பணிகளை ஆரம்பித்துள்ளனர். நிறுவனத்தின் தலைவர் இன்று குறித்த நிறுவனத்துக்கு வந்த போதே மேற்படி பணம் திருட்டு போயுள்ளதை அனைவரும் அறிந்துள்ளனர்.

உடனடியாக பொலிஸாருக்கு வழங்கப்பட்ட தகவலை அடுத்து நிறுவனத்தின் முகாமையாளர் உட்பட பணியாளர்கள் அனைவரும் யாழ் பொலிஸ் நிலையத்துக்கு அழைக்கப்பட்டு விசாரணை மேற்கொண்டதுடன் அனைவரிடமும் வாக்குமூலம் பெறப்பட்டுள்ளது.

மேலதிக விசாரணைகளை பொலிஸார் மேற்கொண்டுள்ளனர்.