May 08

சிங்கத்தை வெற்றி பெறச் செய்த அசால்ட்டு மன்னன் ஸ்மித்

பஞ்சாப் அணிக்கு எதிரான ஐபிஎல் கிரிக்கெட் தொடரின் லீக் போட்டியில், குஜராத் அணி 6 விக்கெட் வித்தியாசத்தில் வெற்றி பெற்றுள்ளது.

இந்தியாவில் 10வது ஐபிஎல் கிரிக்கெட் தொடர் நடக்கிறது. இதில் மொஹாலியில் நடந்த 47வது லீக் போட்டியில், குஜராத், பஞ்சாப் அணிகள் மோதின.

இதில் ‘டாஸ்’ வென்ற அணி குஜராத் அணி கேப்டன் ரெய்னா, முதலில் பீல்டிங் தேர்வு செய்தார். குஜராத் அணியில் தவால் குல்கர்னி மீண்டும் அணிக்கு திரும்பினார். பஞ்சாப் அணியில் வோஹ்ராக்கு பதிலாக குர்கீரத் அணியில் சேர்க்கப்பட்டார்.


இதையடுத்து களமிறங்கிய பஞ்சாப் அணிக்கு, ஆம்லா சதம் அடித்து கைகொடுக்க, பஞ்சாப் அணி, 20 ஓவரில், 3 விக்கெட்டுக்கு 189 ரன்கள் எடுத்தது. கடின இலக்கை துரத்திய குஜராத் அணிக்கு, ஸ்மித், இஷான் கிஷான் ஜோடி முதல் விக்கெட்டுக்கு 91 ரன்கள் சேர்த்து வெற்றிக்கு நல்ல அடித்தளம் அமைத்தது.


கிஷான் (29), வெளியேற அடுத்து வந்த சுரேஷ் ரெய்னா (39), ஆரோன் பிஞ்ச் (2) ஆகியோர் நிலைத்து நிற்கவில்லை. தொடர்ந்து அதிரடி போக்கு காட்டிய ஸ்மித் 39 பந்துகளில் 8 பவுண்டரிகள் மற்றும் 4 சிக்சர்கள் உள்பட 74 ரன்கள் சேர்த்தார்.


இதையடுத்து தினேஷ் கார்த்திக் மற்றும் ஜடேஜா இருவரும் இணைந்து இறுதியில் அணியை வெற்றிப் பாதைக்கு கொண்டு சென்றனர். குஜராத் அணி 19.4வது ஓவரில் 4 விக்கெட் இழப்பிற்கு 192 ரன்கள் சேர்த்து 6 விக்கெட் வித்தியாசத்தில் அமோக வெற்றி பெற்றது.