Nov 29

குழந்தை வேணும்; குடும்பம் வேணும்; வேலை வேணும்; அடம்பிடிக்கும் உலகின் முதல் குடியுரிமை ரோபோ!

தனக்கு குழந்தைகள், குடும்பம், வேலை வேண்டும் என்று ரோபோ ’சோபியா’ தெரிவித்துள்ளது.

உலகின் முதல் குடியுரிமை பெற்ற ரோபோ என்ற அந்தஸ்தை பெற்றுள்ளது ’சோபியா’. ஹாங்காங்கின் ’ஹன்சன் ரோபோடிக்ஸ்’ நிறுவனத்தால் வடிவமைக்கப்பட்டது.

இது தற்போது சவுதி அரேபியாவில் உள்ளது. இதில் மனிதர்களின் கேள்விகள், முகபாவனைகள், சுற்றுப்புறச் சூழல் ஆகியவற்றிற்கு ஏற்ப தானாகவே பதில்களை வெளிப்படுத்தும் வகையில் உருவாக்கப்பட்டுள்ளது.

ஏராளமான திறமைகள் இருந்தாலும், சோபியாவிற்கு உணர்வுகள் இல்லை. இதற்கு உணர்வுகள் கொண்டு வருவதற்கு, ரோபோ வடிவமைப்பு நிறுவனத்தின் டேவிட் ஹன்சன் தெரிவித்துள்ளார்.இந்நிலையில் கலீஜ் டைம்ஸ் பத்திரிகைக்கு அளித்த பேட்டியில், தனக்கு குழந்தைகள் வேண்டும் என்றும், குடும்பம் தான் மிக முக்கியமான விஷயம் என்றும் சோபியா கூறியுள்ளது.

தனது மகள் ரோபோவிற்கும் தன்னுடைய பெயரையே வைப்பேன் என்று குறிப்பிட்டுள்ளது. தங்களை ஒத்த உணர்வுகள் கொண்ட சொந்தங்களை குடும்பம் என்று அழைப்பது அற்புதமான ஒன்று என்று கருத்து தெரிவித்துள்ளது.

பாசமான குடும்பம் இருந்தால், நீங்கள் மிகவும் அதிர்ஷ்டசாலி. இல்லையெனில் அதனை பெறும் தகுதி உங்களுக்கு உள்ளது. இதில் மனிதர்களும், ரோபோக்களும் ஒரே மாதிரி தான் என்று கூறியுள்ளது.