Nov 15

மொபைல் மார்க்கெட்டில் ஒன்-பிளஸ்தான் ராஜா!

இந்திய மொபைல் சந்தையில் அதிகம் விற்கப்படுபவை ஒன் பிளஸ் ஸ்மார்ட்போன்கள் என்று சர்வதேச தரவுகள் நிறுவனம் அறிவித்துள்ளது.

சர்வதேச தரவுகள் நிறுவனம் (IDC) வெளியிட்டுள்ள சமீபத்திய காலாண்டு அறிக்கையில் இந்தியாவின் மொபைல் சந்தையில் ஒன் பிளஸ் நிறுவனம் அதீத வளர்ச்சியை எட்டியுள்ளது என்று தெரிவிக்கப்பட்டுள்ளது. 2017ஆம் ஆண்டின் மூன்றாவது காலாண்டில் அந்நிறுவனத்தன் பங்குகள் இரண்டு மடங்காக உயர்ந்துள்ளன.

மொபைல் மார்க்கெட்டில் 2017ஆம் ஆண்டின் முதல் காலாண்டில் 12 சதவீதம் பங்குளை மட்டுமே பெற்றிருந்த இந்நிறுவனம் தற்போது 28 சதவீதம் பங்குகளைப் பிடித்துள்ளது.

ஒட்டுமொத்தமாக 24.75 சதவீத பங்குகளை பெற்றுள்ள ஒன் பிளஸ் நிறுனவம் கடந்த ஓராண்டில் 120 சதவீதம் வளர்ச்சியை அடைந்துள்ளது என்றும் இந்த அறிக்கையில் தெரிவிக்கப்பட்டுள்ளது. இது சாம்சங் நிறுவனத்தை விட அதிகமானது என்பது குறிப்பிடதக்கது.