Apr 26

பெண்களுக்காக குரல் கொடுப்பவரா ட்ரம்ப்? சலசலப்பை ஏற்படுத்திய இவான்கா

ஜெர்மனியில் நடந்த ஒரு கூட்டத்தில் பேசிய அமெரிக்க அதிபர் டொனால்ட் டிரம்பின் மகள் இவான்கா டிரம்ப், பெண்கள் தொடர்பாக தனது தந்தையின் நிலைப்பாட்டை நியாயப்படுத்தினார்.

பெர்லினில், ஜி-20 நாடுகளின் மகளிர் மாநாட்டில், தனது தந்தை, குடும்பங்களை ஆதரிக்கும் மிகப்பெரிய சாம்பியன் என்று இவான்கா வர்ணித்தபோது, பார்வையாளர்கள் மத்தியில் இருந்து எதிர்ப்பை வெளிப்படுத்தும் முணுமுணப்புக்கள் வெளிப்பட்டன.

கடந்த ஆண்டு நடைபெற்ற அதிபர் தேர்தலின்போது, டிரம்ப் பெண்களைப் பற்றி தவறான கருத்துகளை வெளியிட்டதாகக் கூறப்படும் காணொளி வெளியானது. அத்துடன், பாலியல் துஷ்பிரயோகக் குற்றச்சாட்டுகளையும் அவர் எதிர்கொண்டார்.

தனது தந்தையோ, அல்லது அவருடன் பணியாற்றிய ஆயிரக்கணக்கான பெண்களோ இத்தகைய ஊடகச் செய்திகளை ஏற்றுகொள்ளவில்லை என்று இவான்கா குறிப்பிட்டார்.