Oct 21

தொடர் தோல்விகளுக்கு பின் இலங்கை அணித்தலைவர் கருத்து

பாகிஸ்தானுக்கு எதிரான தொடரில் தொடர்ச்சியான தோல்விகளை சந்தித்து வருவது குறித்து இலங்கை அணித்தலைவர் உபுல் தரங்கா கருத்து தெரிவித்துள்ளார்.

இதுவரை 11 போட்டிகளில் மோசமான தோல்விகளை சந்தித்து வரும் இலங்கை அணியின் துடுப்பாட்டம் குறித்து கடும் விமர்சனங்கள் எழுந்து வருகிறது.

உபுல் தரங்கா கூறுகையில், ’துடுப்பாட்டத்தில் நாங்கள் மீண்டும் அதே தவறை செய்து வருகிறோம்.

ஆனால் எங்களிடம் சிறப்பான துடுப்பாட்ட வரிசை உள்ளது, இருப்பினும் எங்கு தவறு நடக்கிறது என்று எனக்கு தெரியவில்லை.

இதுவரை பெரிய வகையிலான ஓட்டங்களை யாரும் எடுக்கவில்லை, எதிர்வரும் போட்டிகளில் சிறப்பான ஆட்டத்தினை வெளிப்படுத்துவோம் என நம்புவதாக தெரிவித்துள்ளார்.