Oct 21

ரூ. 10 லட்சத்திற்கு ஏலம் போன ட்ரம்ப் வரைந்த ஓவியம்

அமெரிக்க அதிபர் ட்ரம்ப் வரைந்த எம்பயர் ஸ்டேட் ஓவியம் 10 லட்சம் ரூபாய்க்கு ஏலத்தில் விற்க்கப்பட்டது

கடந்த 1995 ம் ஆண்டு நடைபெற்ற ஒரு தொண்டு நிறுவன ஏலத்திற்காக, தற்போதைய அமெரிக்க அதிபர் ட்ரம்ப், அப்போது, எம்பயர் ஸ்டேட் கட்டிட வரைபடத்தை வரைந்தார்.

அக்காலக்கட்டத்தில், இந்த வரைபடம் 100 டாலருக்கு ஏலம் போனது.இந்நிலையில், தற்போது மீண்டும அதே ஓவியம், கடந்த 19 ம் தேதி ஏலத்திற்கு விடப்பட்டது.

ஏலத்தில், ட்ரம்ப் வரைந்த எம்பயர் ஸ்டேட் ஓவியம் 16 ஆயிரம் டாலருக்கு, இந்திய மதிப்பில் சுமார் 10 லட்சம் ரூபாய்க்கு ஒருவர் வாங்கியுள்ளார்.ட்ரம்ப் வரைந்த ஓவியம் சாதாரணமாக தெரிந்தாலும், பெரிய பொக்கிஷமாகத்தான் ஏலத்தில் கருதப்பட்டது.