Oct 13

அமெரிக்காவின் மிலேனியம் செலெஞ்ஜர் கோப்பரேஷன் நிறுவனம் இலங்கையின் பொருளாதார முன்னேற்றம் குறித்து மீளாய்வு

அமெரிக்காவின் மிலேனியம் செலெஞ்ஜர் கோப்பரேஷன் நிறுவனம் இலங்கைகாக  பொருளாதார தொடர்பில் தயாரித்துள்ள ஐந்து வருட திட்டத்தின் முன்னேற்றம் குறித்து மீளாய்வை மேற்கொண்டுள்ளது. 
நிதி மற்றும் ஊடகத்துறை அமைச்சர் மங்கள சமரவீரவின் வேண்டுகோளின் பேரில் இந்த வேலைத்திட்டம் முன்னெடுக்கப்படுகிறது. இந்த நிறுவனத்தின் ஆசிய பிராந்திய தலைவர் பெட்டேமா சுமாரி அம்மையாருடன் இடம்பெற்ற பேச்சுவார்த்தையின் போதே இந்த விடயம் குறித்து கவனம் செலுத்தப்பட்டது. 
இந்த நிறுவனம் இலங்கைக்கு ஐந்து வருட காலத்திற்கென 70 கோடி டொலர் நிதியை வழங்க முன்வந்துள்ளது. இதில்   காணி மற்றும் போக்குவரத்திற்கு முக்கிய இடமளிக்கப்பட்டுள்ளமை குறிப்பிடத்தக்கது. 
சமகால நல்லாட்சி அரசாங்கம்  ஊழலை ஒழித்து மனித உரிமையை பாதுகாத்து மேம்படுத்துவாற்காக முன்னெடுத்துவரும் நடவடிக்கைக்கு இது பெரும் பங்களிப்பு செய்யும் என்று அமைச்சர் மங்கள சமரவீர இதன் போது குறிப்பிட்டார்.