Oct 05

தானாக விரிசல் விடும் புத்தம் புதிய ஐபோன்!

உலகையே உற்றுநோக்க வைத்த ஐபோன் 8 ஸ்மார்ட்போன் சார்ச் செய்யும்போது தானாகவே விரிசல் விடுவதாக புகார்கள் வந்துள்ளன.

ஆப்பிள் நிறுவனத்தின் ஐபோன் 8 மற்றும் ஐபோன் எக்ஸ் ஸ்மார்ட்போன்கள் அண்மையில் அறிமுகமாகின. உலகம் முழுவுதும் பெரும் எதிர்பார்ப்பைத் தூண்டிய இந்த மொபைல்கள் உலகிலேயே அதிவேகமாக இயங்கும் ஸ்மார்ட்போன்கள் என்று தொழில்நுட்ப வல்லுநர்கள் தெரிவிக்கின்றனர்.

இந்த புதிய மாடல்களின் பேட்டரி வயர்லெஸ் சார்ஜிங் வசதியுடன் உள்ளன. அவற்றை ஒரு முறை முழுமையாக சார்ஜ் செய்தால் ஒருநாளுக்கும் அதிகமாக தாக்குப்பிடிக்கிறது என்றும் தகவல்கள் வெளிவந்தன.

இந்நிலையில், ஐபோன் 8 பிளஸ் மொபைலை வயர்லெஸ் சார்ஜிங் செய்தால் பேட்டரி உப்பி, பக்கவாட்டில் விரிசல் விடுகிறது என்று புகார்கள் வந்துள்ளன. தைவான் மற்றும் ஜப்பான் நாட்டில் உள்ள வாடிக்கையாளர்கள் இரண்டு பேர் இதே புகாரை புகைப்படங்களுடன் ஆப்பிள் நிறுவனத்திற்கு அளித்துள்ளனர்.

பதறிப்போன ஆப்பிள் நிறுவனம் உடனடியாக இது குறித்து ஆய்வு மேற்கொண்டுள்ளது.