Sep 21

எச்.டி.சி.யை விலை பேசி விழுங்கும் கூகுள்!

கூகுள் நிறுவனம் தனது பிக்ஸல் நிறுவனத்திற்காக எச்.டி.சி. நிறுவன ஊழியர்களை பெரும் தொகைக்கு விலை பேசியுள்ளது.

கூகுள் நிறுவனத்தின் பிக்ஸல் ஸ்மார்ட்போன்கள் ஐபோன்களுக்குப் போட்டியாக களமிறங்கியுள்ளது. இந்தியாவில் மிக விரைவில் ஏராளமான வாடிக்கையாளர்களையும் கவர்ந்துள்ளது. தொடர்ந்து டே-ட்ரீம் வி.ஆர். போன்ற கேஜெட்களை அறிமுகம் செய்து ஹாட்வேர் துறையிலும் ஆத்திக்கத்திற்கு வர முயல்கிறது.

இந்நிலையில், கூகுள் நிறுவனத்தின் பிக்ஸல் மொபைல்கள் மற்றும் பிற கேஜெட்களைத் தயாரிக்கும் குழுவுக்கு கூடுதல் ஆட்களைச் சேர்க்க திட்டமிட்டப்பட்டுள்ளது. அதற்காக, எச்.டி.சி. நிறுவனத்தின் ஊழியர்களை மொத்தமாக 1.1 பில்லியன் டாலர்களுக்கு விலை பேசியுள்ளது.​

ஆப்பிள் நிறுவனத்துடன் அமேசான் இணைய வர்த்தக நிறுவனமும் கிண்டில், ஃபயர் ரிமோட், ஹெட்செட் என பல கேஜெட்களை களமிறக்குவதால் அவற்றுடன் போட்டி போட தீவிரமான நடவடிக்கைகளை கூகுள் மேற்கொள்வதாகத் தெரிகிறது.