Sep 19

ஐ ஆம் வெயிட்டிங்: டுவீட் செய்த பிக்பாஸ் ஓவியா!

பிக்பாஸ் தமிழ் முதல் சீசன் முடிந்ததும் இதை செய்வேன் என்று பிக்பாஸ் ஓவியா தெரிவித்துள்ளார்.

கமல்ஹாசன் தொகுத்து வழங்கி வரும் பிக்பாஸ் தமிழ் நிகழ்ச்சியின் முதல் சீசன் இறுதிகட்டத்தை எட்டியுள்ளது. இந்த நிலையில், போட்டியாளர்களுக்கு இடையே பிக்பாஸ் டைட்டில் பட்டத்தை பெறுவதற்கு கடும் போட்டி நிலவி வருகிறது. அந்த வகையில், நேற்றைய பலூன் உடைக்கும் டாஸ்க்கில் சண்டையே நடந்துள்ளது. இது அவர்களுக்கு வாழ்வா? சாவா போராட்டமாக அமைந்தது என்பது குறிப்பிடத்தக்கது.

இந்நிலையில், பிக்பாஸ் நிகழ்ச்சியின் மூலம் மிகவும் பிரபலமடைந்தவர் நடிகை ஓவியா. ஓவியா ஆர்மி, ஓவியா ஸ்வீட்ஸ், சேவ் ஓவியா என்றெல்லாம் ஹேஷ்டேக் உருவாகும் அளவிற்கு ரசிகர்கள் மத்தியில் பிரபலமானார்.

இந்த நிலையில், பிக்பாஸ் நிகழ்ச்சியிலிருந்து வெளியேற்றப்பட்ட ஓவியா மீண்டும் எப்போது வருவார் என்று ரசிகர்கள் காத்துக் கொண்டிருந்தனர். தற்போது அதற்கு பலன் கிடைக்கும் வகையில், பிக்பாஸ் நிகழ்ச்சி 100 நாட்கள் முடிந்த பிறகு டுவிட்டரில் லைவ் சேட் செய்யயிருப்பதாக கூறியுள்ளார்.

பிக்பாஸ் நிகழ்ச்சியின் 100வது நாளில் அனைத்து பிரபலங்களும் கலந்து கொள்ளயிருக்கும் நிலையில், ஓவியாவும் வருவார் என்று எதிர்பார்க்கப்படுகிறது.