Sep 18

30GB டேட்டாவுடன் வீடு தேடி வரும் ஏர்டெல் சிம்!

ஏர்டெல் நிறுவனம் ஜியோ சலுகைகளை எதிர்த்து தாக்குப்பிடிக்க புதிய அதிரடி சலுகையை அளித்துள்ளது.

ரிலையின்ஸ் ஜியோ தொலைத்தொடர்பு சேவையில் சுமார் 500 மில்லியன் வாடிக்கையாளர்கள் உள்ளனர். ஜியோ வருகைக்குப் பிறகு இந்தியாவில் இன்டர்நெட் பயன்பாடு 20 கோடி ஜிபியில் இருந்து 120 கோடி ஜிபி ஆக உயர்ந்துள்ளது என்றும் என அம்பானி தெரிவித்துள்ளார். வினாடிக்கு 7 பேரை ஜியோவில் இணைவதாகவும் தகவல் வெளியானது.

இந்நிலையில், ஏர்டெல் நிறுவனம் ரூ.499 முதல் ரூ.1199 வரை அளிவில்லா இலவச அழைப்புகளுடன் பல்வேறு போஸ்ட்பெய்டு திட்டங்களை அறிவித்திருந்தது. ஆறு மாதங்களுக்கு 60GB டேட்டா மற்றும் இலவச லைவ் டிவி சலுகை கொண்ட போஸ்ட்பெய்ட் திட்டமும் இருக்கிறது.

இவற்றைத் தொடர்ந்து, ரூ.299க்கு மாதம்தோறும் 10GB வீதம் மூன்று மாதங்களுக்கு 30GB டேட்டா இலவசமாக அளிக்கும் போஸ்ட்பெய்டு திட்டத்தை புதிதாக அறிமுகம் செய்துள்ளது. அதில் ஒரு மாதத்தில் பயன்படுத்தாமல் எஞ்சும் டேட்டாவை அடுத்த மாதம் சேர்த்து பயன்படுத்தலாம். இந்த சலுகையை பெற விரும்பும் புதிய வாடிக்கையாளர்கள் ஏர்டெல் இணையதளம் வாயிலாக ஆர்டர் செய்தால் சிம்கார்டு வீடுதேடி வரும்.